Montenotte
Montenotte zo anv un departamant gall en Italia krouet en amzer an Impalaer Napoleone Buonaparte.
An anv
[kemmañ | kemmañ ar vammenn]Dont a ra an anv eus hini kumun Cairo Montenotte, e-kichen Savona. Eno e voe faezhet soudarded aostrian ar jeneral Jean-Pierre de Beaulieu gant re Napoléon Bonaparte en emgann Montenotte d'an 12 a viz Ebrel 1796.
Savet e voe an departamant d'ar 6 a viz Mezheven 1805 pa oa bet aloubet Republik Genova (pe Republik Liguria) gant ar C'hallaoued.
Savona (Savone e galleg) e oa ar pennlec'h. Rannet e oa an departamant e pevar arondisamant : hini Savona, hini Acqui-Terme, hini Porto-Maurizio ha hini Ceva. Diskaret e voe evel an departamantoù gall all war-lerc'h faezhidigezh an impalaer Napoleone Buonaparte e 1814 ha roet da Stadoù Savoia.
Hiriv emañ an douaroù anezhañ e proviñsoù Savona, Alessandria, Imperia ha Cuneo.