Yves Le Trocquer
Neuz
![](http://178.128.105.246/host-http-upload.wikimedia.org/wikipedia/commons/thumb/0/0e/Yves_Le_Trocquer.jpg/220px-Yves_Le_Trocquer.jpg)
Yves Le Trocquer, bet ganet e Pontrev (Aodoù-an-Hanternoz d'an ampoent, Breizh) d'ar 4 a viz Here 1877 hag aet da Anaon e Pariz (Bro-C'hall) d'an 21 a viz C'hwevrer 1938, a oa un ijinour hag ur politikour.
Bezañ e voe kannad Aodoù-an-Hanternoz etre 1919 ha 1930 ha, da-heul, senedour an hevelep departamant betek e varv. Kemer a reas perzh er gouarnamantoù savet gant Alexandre Millerand (div wech), Georges Leygues, Aristide Briand ha Raymond Poincaré evel Ministr al Labourioù Foran adalek an 20 a viz Genver 1920 betek an 29 a viz Meurzh 1924.