Mona Lisa
C'l artìcul chè 'l è scrit in
Miranduléś |
![]() | ||
![]() Bob Hoskins e la Cathy Tyson in na figùra dal film | ||
id. 1986 | ||
---|---|---|
Regìa: Neil Jordan | ||
Scritōr: Neil Jordan • David Leland | ||
Atōr: Cathy Tyson • Bob Hoskins • Michael Caine Robbie Coltrane • Clarke Peters • Zoë Nathenson | ||
Müsica: Michael Kamen | ||
Léngua: Ingléś | ||
Dürä dal film: 104 minüt | ||
Nasiōṅ: Régn Unî |
Mona Lisa (id.) 'l è 'n film dramàtic dal 1986 ad Neil Jordan.
'L è stâ girâ c'n un budget ad dū migliòṅ ad sterlìni e 'l è stâ preśentâ in cuncōrs a 'l 39śum Fèstival ad Cannes in dua Bob Hoskins 'l à vins al prèmi par l' atōr più braṿ. Par cal rōl chè 'l è anc stâ numinâ p'r i Prèmi Òscar dal 1987.
In dal 1999 al British Film Institute al 'l à mis a 'l 67śum pòst dla lista di sènt film britànic più bèi dal XX sècul.
Sunt
George (Bob Hoskins) al tórna lìbar dòp sèt an pasâ in parśòṅ sénsa cólpa a sò dita ma sò mujér la n in vōl più savēr ad lò. Al sò vèć padròṅ Denny Mortwell (Michael Caine), ch'adès al s è butâ a far i bèsi dasfrutànd al mónd dla prustitusiòṅ, al gh dà 'l incàr'g ad scarusàr cun la màchina in gir par Lóndra la Simone (Cathy Tyson), na scaja par gint ad clas, banchēr e pulìtig. I dū i dvènt'n amìg e la ragàsa la gh dmanda 'd catàr na ragasōla 'd quìnd'ś an, la Cathy (Kate Hardie), ch'l'è sparìda dòp avér fat na vita cumpàgna a la sua.
Quànd 'l óm al la cata, andànd in a risć dla sò vita, lē l'è in perìcul.