Scheme
Scheme | |
---|---|
![]() | |
programlingvo • multparadigma programlingvo • funkcia programlingvo • proceda programlingvo • metaprogramlingvo • off-side rule language | |
Paradigmo: | funkcia, struktura |
Paradigmo(j): funkcia programado • proceda programado • metaprogramado • ordonema programado | |
Aperis en: | 1975 |
Aŭtoro(j): | Guy L. Steele kaj Gerald G. Sussman |
Tipa sistemo: | Dinamika |
Programlingva(j) dialekto(j): | multaj |
Kreita sub la influo de: | LISP |
Permesilo(j): | multaj |
Retejo: | http://r7rs.org/ |
Scheme (aŭ Skimo) estas la funkcia programlingvo, kreita de Guy L. Steele kaj Gerald G. Sussman je 1975, unu el du la plej popularaj dialektoj de Lisp (la alia populara Lispa dialekto estas Common Lisp). Ĝia baza ideo estas minimumeco. Anstataŭ amasigi trajtojn unu post la alia, Scheme provizas kiel eble malmulte primitivajn nociojn, sed ebligas facile efektivigi ĉion super ili.
Mallonga priskribo de trajtoj
[redakti | redakti fonton]- Treege minimuma sintakso kompare al aliaj programlingvoj.
- Precipe funkcia stilo de programado (t. e. "funkcioj vokas funkciojn" sen deviga tempa ordo de komputo), sed ordonema stilo (kiam "agoj sekvas agojn" en strikta tempa ordo) ankaŭ uzeblas.
- Listo estas la precipa datuma strukturo (kiel en ĉiu Lispa dialekto).
- Unua membro de listo estas normale la nomo de funkcio aŭ operatoro - tial Scheme bezonas neniujn regulojn por operatora prioritato.
- Efike realigitaj tabeloj (angle - "arrays").
- Statikaj, t.e. blokaj, regionoj de nomoj (tradicie Lisp havis dinamikajn regionojn).
- Unu spaco de nomoj por variabloj kaj funkcioj (Common Lisp havas du apartajn spacojn).
- Sekuraj "higienaj" makrooj (kvankam malpli potencaj ol la danĝeraj makrooj de Common Lisp).
- Realigado de "vosta rekursio" kiel iteracio sur interna malalta nivelo.
- Rekta, senpera subtenado de daŭrigoj (angle - "continuations") : programisto havas plenan regon pri ili.
- Plena subtenado de "leksike regionigitaj fermoj" (angle - "closures") - fakte, ĉiu funkcio estas ankaŭ la fermo.
- Aŭtomata senrubigo (vakigo de neuzata memoro).
Ekzemploj
[redakti | redakti fonton]Simplaj matematikaj operacioj
[redakti | redakti fonton](+ 2 (* 2 2))
(+ 1 2 3 4)
Voko al operacio estas prezentita kiel listo, komenciĝanta per la signo de la operacio.
Predikatoj de tipo
[redakti | redakti fonton](number? 5)
(number? "foo")
(string? "foo")
Laŭ la konvencio, la nomoj de predikataj funkcioj devas finiĝi per simbolo ?.
Predikatoj de egaleco
[redakti | redakti fonton](eq? "foo" "bar")
(eq? 5 (+ 2 3))
(eq? (eq? 2 3) (eq? 3 4))
En Scheme, ekzistas multaj predikatoj de egaleco, kies sencoj diferenciĝas : eq?
, eqv?
, equal?
kaj =
.
Difino de funkcio
[redakti | redakti fonton](define fact (lambda (x)
(if (= x 1)
1
(* x (fact (- x 1))))))
(define fib (lambda (n)
(cond ((= n 0) 0)
((= n 1) 1)
(else (+ (fib (- n 1))
(fib (- n 2)))))))
(define sum (lambda (x)
(cond ((null? x) 0)
(else (+ (car x) (sum (cdr x)))))))
(fact 14)
(fib 10)
(sum '(6 6 6 100))
(sum (map fib '(1 2 3 4)))
Oni konstruas difinon de ĉiu funkcio laŭ jena modelo:
(define nomo-de-funkcio (lambda (listo de argumentoj) (realigado de funkcio)))
aŭ
(define (nomo-de-funkcio listo de argumentoj) (realigado de funkcio))
Enigo/Eligo
[redakti | redakti fonton](display "Saluton, mondo!") ; Eligu la frazon "Hello, World!"
(display (+ (read) (read))) ; Enigu 2 nombrojn, adiciu ilin kaj eligu sumon
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Granda kolekto de informoj pri Skemo
- Skemo Petas por Realigo (SRFI)
- Guile - Oficiala programlingvo por etendaĵoj de GNU
- Kawa - JVM bazita Skemo.
- Reviziita5 Raporto pri la Algoritma Lingva Skemo
- Reviziita6 Raporto pri la Algoritma Lingva Skemo Arkivigite je 2013-08-12 per la retarkivo Wayback Machine