Produktu-aukera
![](http://178.128.105.246/host-http-upload.wikimedia.org/wikipedia/commons/thumb/e/e8/Ponte_Vecchio_jewellery.jpg/300px-Ponte_Vecchio_jewellery.jpg)
Marketinean, produktu-aukera denda edo beste saltegi batek bezeroei eskaintzen dizkien produktu edo zerbitzuen multzoa da. Negozio-mota zein den, produktu-aukeraren ezaugarriak ezberdinak izaten dira: produktu-familia anitz eta familia bakoitzaren baitan produktu anitz eskaintzen direnean, aukera zabala eta sakona da, hipermerkatuetan gertatzen den bezala; elikagai-denda txikiek aukera zabala eta sakontasun txikikoa izaten dute, produktu familia bakoitzean erreferentzia gutxi izaten dutelako; azkenik, denda berezituek aukera estua eta sakona dute, produktu-sail bakarra eskaini baina horren baitan eskaintza zabala izaten dutelako (liburudendak, esaterako).
Produktu-aukeran dauden erreferentzia edo produktu zehatz guztiak sail zenbaitetan banatu ohi dira establezimenduan, hala nola, departamendu, sekzio eta familia zenbaitetan, deagregazio-maila zein den, ezaugarri komunak dituzten produktuak bilduz. Produktu-aukeraren antolaketa eta kokapena aztertzen duen jakintza-arloak merchandising du izena.
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]
![]() |
Artikulu hau zirriborroa da. Wikipedia lagun dezakezu edukia osatuz. |