Ur-satitsu

Ur-satitsu
	Irudi gehiago
Iraute egoera
	; Arrisku txikia (IUCN 3.1)
Sailkapen zientifikoa
Filuma	Chordata
Klasea	Mammalia
Ordena	Eulipotyphla
Familia	Soricidae
Leinua	Nectogalini
Generoa	Neomys
Espeziea	Neomys fodiens; (Pennant, 1771)
Banaketa mapa
Datu orokorrak
Ernaldia	20 egun
Habitat	baso

Ur-satitsua (Neomys fodiens) ugaztuna da, soricidaeen familiakoa. Eurasia osoan bizi da, Irlandatik Ipar Korearaino^[1].

Kolorez beltz urdinxka eta neurriz beste satitsuak baino handiagoa da.^[2]

Deskribapena

Gorputza eta burua: 62-96 mm. Isatsa: 46-47 mm. Pisua: 10-23 g

Satitsu anfibio deigarri bat da, ile beltz trinko eta leunez estalia alboetan eta bizkarrean, gris-arbel kolorea eta beltz-gorrixka artean alda daitezkeen tonuekin. Eztarria eta sabela zuri-grisaxkak ditu, batzuetan tonu gorrixka-herdoil kolorekoak izan dezakete. Ale melanikoak ez dira arraroak.

Burua lodi samarra du belarriak ileetan ezkutatuta. Hankak, aurrealdean zein atzean, igerian egiteko laguntzen duten ile zurrunezko banda batek apainduak ditu; isatsak era berean , ile gogorrez osatutako gila bat du azpian, lema-funtzioei mesede egiteko.

Neomys-en burezurra sorizidio guztien artean handiena da. Goiko barailan lau hortz unikuspide baino ez ditu. Sorex generotik bereizten dituena, hauek bost unikuspide dituzte.

Ur-satitsuan, laugarren unikuspidea normalean gainerakoak baino txikiagoa da, kanpotik gutxi ikusten da.^[3]

Biologia eta ohiturak

Ur-satitsua gai da uretako zein lurreko inguruneko baliabide trofikoak ustiatzeko. Haien dieta, neurri handi batean, krustazeo txikiek, trikopteroen larbak, eta uretako beste artropodo batzuek osatzen dute; eta neurri txikiagoan lurreko harrapakinek: armiarmak, kakalardoak, zizareak, etab.

Banaketa, habitata eta estatusa

Satitsu hau uretako ohituretako espeziea da, eta, baso hezeen barruan ager daitekeen arren, uretatik urrun, ordea, ohikoagoa da erreka eta lubakien ertzetan, baldin eta hauek, zuhaizka edo belar estalkia badute.

Espezie honek Europa eta Asiako ipar-mendebaldea okupatzen du. Iberiar penintsulan Pirinioak eta Kantauriar sisteman, baino ez da aurkitu, mendebaldean Galiziaraino iritsiz.

Euskal Herrian arrunta da espezie hau, batez ere isurialdearen iparraldean. Hegoalderantz goazen heinean, urriagoa da, mutur mediterraneoan desagertzen den arte.

Erreferentziak

↑ ARKive: Water shrew
↑ Lur entziklopedietatik hartua.
↑ Administracion de la Comunidad Autonoma de Euskadi, 84-7542-639-5, Es. (1989). Euskal Autonomiu Elkarteko Ornodunak. Graficas Santamaria S.A., 333 or..