Eni de Anglia Oriental
Biografía | |
---|---|
Nacemento | século VI ![]() Reino de Anglia Oriental ![]() |
Morte | 624 ![]() |
Familia![]() | |
Familia | Wuffingas ![]() |
Fillos | Aethelhere de Anglia Oriental, Ecgric de Anglia Oriental, Æthelric (en) ![]() ![]() |
Pai | Tyttla de Anglia Oriental ![]() |
Irmáns | Raedwald de Anglia Oriental ![]() |
![](http://178.128.105.246/host-http-upload.wikimedia.org/wikipedia/commons/thumb/0/06/East_Anglian_tally_%28Textus_Roffensis%29.png/220px-East_Anglian_tally_%28Textus_Roffensis%29.png)
Eni foi un membro da dinastía Wuffinga que gobernou o reino de Anglia Oriental. Era fillo de Tyttla e irmán de Raedwald, que foron reis de Anglia Oriental.
Traxectoria
[editar | editar a fonte]![](http://178.128.105.246/host-http-upload.wikimedia.org/wikipedia/commons/thumb/9/9d/Britain_peoples_circa_600-pt.svg/90px-Britain_peoples_circa_600-pt.svg.png)
Non hai evidencia histórica de que Eni chegase a ser rei de Anglia Oriental. As referencias principais a el proveñen da Historia Eclesiástica de Beda e da información contida sobre Anglia Oriental na Anglian colection. Esta información non é unha lista de reis, senón unha serie de filiacións xenealóxicas, (por iso non se menciona a Raedwald, que non foi antepasado directo de Eni).
É posíbel, pero non está indicado en ningún lugar, que Raedwald asociase a Eni como rexente ou sub-rei durante o período do seu propio ascenso, 616-624. As fontes que temos indican que Eorpwald, fillo de Raedwald, sucedeu ao seu pai.
Eni é identificado por Beda como pai de tres reis de Anglia Oriental, concretamente Anna (636-654), Aethelhere (654) e Aethelwold (654-664). Na Anglian colection é tamén o avó de Ealdwulf (664-713), cuxo pai era Æthelric. Tendo en conta que o poder real volveu a Ealdwulf en 664 despois do goberno dos seus tíos, suponse a miúdo que Æthelric era o irmán máis vello de Anna, Æthelhere e Æthelwold e podería ser Egric de Anglia Oriental, que compartiu trono con Sigeberht (629-634) e morreu con el en 636. Hereswitha, a nai de Ealdwulf, xa abandonara Anglia Oriental pola vida monastica na Galia por 647 (Beda, Historia, iv.23) e probabelmente Æthelric morrese tamén por entón..
Moitos dos descendentes de Eni parecen ser cristiáns e como membro da casa de Raedwald posibelmente participase dalgunha forma no bautismo de Raedwald, que tivo lugar en Kent baixo o patrocinio de Aethelberht antes de 616, de man dos misioneiros enviados por Gregorio I. O fillo de Eni, Anna, vivía presumibelmente en Exning en 631 cando a filla de Anna Aethelthryth (Santa Audrey) naceu alí. Exning esta preto da Illa de Ely, en Cratendune, onde o Liber Eliensis afirma que o propio Agostiño de Canterbury (m. 604) estableceu unha igrexa. É posíbel, por tanto, que o cristianismo dos descendentes de Eni teña as súas orixes na propia misión de Agostiño.
Véxase tamén
[editar | editar a fonte]Bibliografía
[editar | editar a fonte]- B. Colgrave e R.A.B. Mynors (eds). (1969). Bede's Ecclesiastical History of the English People. Oxford.
- D.N. Dumville. (1976). 'The Anglian Collection of Royal Genealogies and Regnal Lists' in Anglo-Saxon England 5, 23-50.
- S. Plunkett. (2005). Suffolk in Anglo-Saxon Times. Stroud: Tempus Publishing