Palapa (satélites)
![](http://178.128.105.246/host-http-upload.wikimedia.org/wikipedia/commons/thumb/a/a4/STS-41-B_Palapa_B-2_deployment.jpg/220px-STS-41-B_Palapa_B-2_deployment.jpg)
Palapa (Unidade nacional) é unha serie de satélites de comunicacións indonesios.[1]
Características
[editar | editar a fonte]Os satélites Palapa comezaron sendo propiedade do goberno de Indonesia. O primeiro Palapa lanzouse en 1976 e o último en 2020.[1]
Palapa A1 e A2
[editar | editar a fonte]Os dous primeiros satélites Palapa usaban o bus HS-333D, estabilizábanse mediante xiro, foron construídos por Boeing e eran idénticos aos satélites Anik A e Westar. O goberno indonesio, mediante dous contratos, encargou a Boeing tanto a construción dos satélites como dunha estación de control e nove estacións terrestres. Outras compañías construíron 30 estacións adicionais, todo controlado e operador pola compañía de telecomunicacións gobernamental PERUMTEL. Os satélites Palapa A tiñan unha masa de 574 kg e levaban 12 transpondedores en banda C a bordo. Palapa A1 foi lanzado o 8 de xullo de 1976 e Palapa A2 o 10 de marzo de 1977, ambos mediante foguetes Delta 2914.[2]
Palapa B1, B2, B2P, B2R e B4
[editar | editar a fonte]Os Palapa B foron a segunda xeración de satélites Palapa. Usaban o bus HS-376 e estabilización mediante xiro e tiñan unha masa duns 1200 kg. Lanzáronse catro Palapa B entre 1983 e 1992, un (Palapa B2P) substituíndo a un que fallou parcialmente (Palapa B2). Palapa B1 e Palapa B2 foron lanzados mediante o transbordador espacial Challenger en 1983 e 1984, mentres que Palapa B2P, Palapa B2R e Palapa B4 foron lanzados mediante Delta 3920, Delta 6925-8 e Delta 7925 respectivamente en 1987, 1990 e 1992. Palapa B1 foi renomeado posteriormente Palapa Pacific 1, mentres que Palapa B2P pasou a ser Agila 1 e Palapa B2R NewSat 1.[3]
Palapa C1 e C2
[editar | editar a fonte]Os dous satélites Palapa C foron os primeiros satélites de comunicacións Palapa estabilizados nos tres eixos. Usaban o bus HS-601 e tiñan unha masa de 3000 kg, cada un con 30 transpondedores en banda C e 4 transpondedores en banda Ku a bordo. Foron lanzados en 1996 mediante foguetes Atlas 2AS e Ariane 4 respectivamente. Palapa C1 foi renomeado HGS 3, Anatolia 1 e finalmente Paksat 1.[4]
Palapa D
[editar | editar a fonte]Palapa D era un satélite de 4100 kg de masa construído co bus Spacebus-4000B3 por Thales Alenia Space. Levaba 35 transpondedores en banda C e 5 en banda Ku. Foi lanzado o 31 de agosto de 2009 pero un fallo do foguete portador, un CZ-3B, deixouno nunha órbita máis baixa da prevista. O satélite chegou á órbita xeoestacionaria polos seus propios medios pero a costa dun tempo de vida útil reducido.[5]
Palapa N1
[editar | editar a fonte]Palapa N1 foi lanzado para substituír a Palapa D. Tiña unha masa de 5550 kg e usaba o bus DFH-4. Non chegou a órbita por fallo do foguete lanzador, un CZ-3B.[6]
Historial de lanzamentos
[editar | editar a fonte]Misión[1][2][3][4][5][6] | Data de lanzamento[1][2][3][4][5][6] | Foguete lanzador[1][2][3][4][5][6] | Notas[1][2][3][4][5][6] |
---|---|---|---|
Palapa A1 | 8 de xullo de 1976 | Delta 2914 | Éxito |
Palapa A1 | 10 de marzo de 1977 | Delta 2914 | Éxito |
Palapa B1 | 18 de xuño de 1983 | Transbordador espacial Challenger | Éxito |
Palapa B2 | 3 de febreiro de 1984 | Transbordador espacial Challenger | Fallo parcial |
Palapa B2P (Agila 1) | 20 de marzo de 1987 | Delta 3920 | Éxito |
Palapa B2R (NewSat 1) | 13 de abril de 1990 | Delta 6925-8 | Éxito |
Palapa B4 | 14 de maio de 1992 | Delta 7925 | Éxito |
Palapa C1 (HGS 3, Anatolia 1, Paksat 1) | 1 de febreiro de 1996 | Atlas 2AS | Éxito |
Palapa C2 | 16 de maio de 1996 | Ariane 4 | Éxito |
Palapa D | 31 de agosto de 2009 | CZ-3B | Fallo parcial |
Palapa N1 | 9 de abril de 2020 | CZ-3B | Fallo |
Notas
[editar | editar a fonte]- ↑ 1,0 1,1 1,2 1,3 1,4 1,5 Mark Wade (2020). "Palapa" (en inglés). Consultado o 30 de decembro de 2020.
- ↑ 2,0 2,1 2,2 2,3 2,4 Gunter Dirk Krebs (2020). Gunter's Space Page, ed. "Palapa A1, A2" (en inglés). Consultado o 30 de decembro de 2020.
- ↑ 3,0 3,1 3,2 3,3 3,4 Gunter Dirk Krebs (2020). Gunter's Space Page, ed. "Palapa B1, B2, B2P, B2R, B4 / Palapa Pacific / Agila 1 / NewSat 1" (en inglés). Consultado o 30 de decembro de 2020.
- ↑ 4,0 4,1 4,2 4,3 4,4 Gunter Dirk Krebs (2020). Gunter's Space Page, ed. "Palapa C1, C2 / HGS 3 / Anatolia 1 / Paksat 1" (en inglés). Consultado o 30 de decembro de 2020.
- ↑ 5,0 5,1 5,2 5,3 5,4 Gunter Dirk Krebs (2020). Gunter's Space Page, ed. "Palapa D" (en inglés). Consultado o 30 de decembro de 2020.
- ↑ 6,0 6,1 6,2 6,3 6,4 Gunter Dirk Krebs (2020). Gunter's Space Page, ed. "Palapa N1 (Nusantara 2)" (en inglés). Consultado o 30 de decembro de 2020.