Xoán Manuel Ramos Rodríguez
Biografía | |
---|---|
Nacemento | 13 de decembro de 1958 ![]() Antes, España ![]() |
![]() | |
1991 – 1995 ← Manuel Maneiro Grille – José Manuel Santos Maneiro → ![]() | |
Datos persoais | |
País de nacionalidade | España ![]() |
Actividade | |
Ocupación | político , técnico em eletrônica (pt) ![]() ![]() |
Partido político | Bloque Nacionalista Galego Compromiso por Galicia ![]() |
Xoán Manuel Ramos Rodríguez, nado en San Cosme de Antes (Mazaricos) o 13 de decembro de 1958, é un político galego do BNG.
Traxectoria
[editar | editar a fonte]Licenciado en Mestría Industrial na rama de electrónica, cursou Enxeñaría de Telecomunicacións[1]. Empregado de Telefónica e membro de Grille Sociedade Cooperativa Galega, da cal foi presidente[2]. Nas eleccións municipais de 1991 encabezou a candidatura do BNG en Mazaricos e foi elixido alcalde, pese a lograr tan só un concelleiro, ó recibi-lo apoio do PPdeG e PSdeG para desbancar o ata entón alcalde Manuel Maneiro Grille, que encabezaba a Converxencia Nacionalista Galega, pasando a conformar un goberno de coalición con populares e socialistas[3]. En xaneiro de 1992 foi presentada unha moción de censura encabezada por un edil popular que contaba co apoio de 4 edís da CNG e outro edil do PPdeG[4], porén o outro edil popular retirou o apoio ó considerarse enganado[5], o cal fixo fracasar a moción[6], polo que puido seguir gobernando cos 2 edís socialistas e 2 do PPdeG que rexeitaran a moción.
Nas municipais de 1995 volveu encabeza-la candidatura do BNG e logrou un notable avance ó pasar de 1 a 5 concelleiros, sendo a segunda forza máis votada, pero perdeu a alcaldía en favor do PPdeG que logrou a maioría absoluta. Volveu encabeza-la candidatura nacionalista en 1999 e 2003, pero non conseguiu recupera-la alcaldía e perdeu forza en favor do PSdeG e o PPdeG, o cal mantivo a alcaldía, se ben continuou a ser a segunda forza política do concello. Nas municipais de 2007 foi o número 2 da candidatura nacionalista, encabezada por Juan José Blanco Riveiro, que logrou mellora-los resultados aínda que os populares mantiveron o goberno. En xaneiro de 2008 renunciou como concelleiro, pasando a centrarse na súa actividade privada na cooperativa de Grille[7]. Dita cooperativa está integrada en Feiraco, pola cal chegou a competir pola súa presidencia.[8] En 2012 pasou a formar parte de Compromiso por Galicia, sendo elixido en xaneiro de 2013 responsable local en Mazaricos[9].
Predecesor: Manuel Maneiro Grille |
![]() Alcalde de Mazaricos 1991 - 1995 |
Sucesor: José Manuel Santos Maneiro |
Notas
[editar | editar a fonte]- ↑ Entrevista en La Voz de Galicia, Barbanza, 27-3-2003, p.10.
- ↑ Entrevista en La Voz de Galicia, Barbanza, 27-3-2003, p.10.
- ↑ La Voz de Galicia, Barbanza, 14-6-1991, p.38.
- ↑ La Voz de Galicia, 19-1-1992, p.22.
- ↑ La Voz de Galicia, 25-1-1992, p.1.
- ↑ Moción de censura fallida en el Concello de Mazaricos
- ↑ El ex alcalde mazaricano Xoán Manuel Ramos deja la política
- ↑ "Feiraco: ¿Campo o política?". www.elcorreogallego.es (en castelán). Consultado o 2023-05-03.
- ↑ Compromiso por Galicia escolleu aos seus responsables locais en Muros-Noia