Buighag
Buighag | ||||||||||||||
---|---|---|---|---|---|---|---|---|---|---|---|---|---|---|
![]() Blaa buighag
![]() Caslys strughtooragh jeh buighag
| ||||||||||||||
Rang oaylleeagh | ||||||||||||||
| ||||||||||||||
Ennym daa-ennymagh | ||||||||||||||
Ranunculus repens L. |
She lus lussagh sheer-vio ee buighag (Ranunculus repens). T'ee dooghyssagh da'n Oarpey, yn Aishey as yn Affrick heear hwoaie.[1][2]
Jalloo-oaylleeaght
[reagh | edit source]T'ee gaase wheesh as 50cm er yrjid. T'ee sthollaneagh. Ta gish snauee cur magh fraueyn as lossreeyn noa; ta gish yeeragh cur magh blaaghyn. Ta ny duillagyn s'inshley eck rheynnit ayns tree duillageenyn lheead babbanagh, mysh 1.5-8cm er lhiurid, er cass wheesh as 20cm er lhiurid. Ta ny duillagyn s'yrjey ny sloo as ta duillageenyn s'keylley oc. Ta gish as duillagyn renaigagh. Ta blaaghyn buighey queig-petyllagh eck, mysh 2-3cm er crantessen. She acheneyn ad ny messyn eck, mysh 2.5-4mm er lhiurid. Share jee thalloo bog.[3][4]
Ymmyd
[reagh | edit source]Hie buighag er creck er feie ny cruinney myr lus yesheenagh, as t'ee ny lus ruegyssagh ayns ymmyodee buill nish.[2] T'ee nieunagh rere cliaghtey y ghenus, agh ta'n nieu lheie liorish çhirmaghey marish traagh. Foddee sapp buighag ny volgeyder.[5] Cha nel ollee dy ee er coontey'n vlass garg eck; myr shen, t'ee jannoo ymmyd jeh'n thalloo fassit dys skeeaylley ny sthollaneyn eck. T'ee goll er skeaylley liorish arraghey traagh myrgeddin.
Imraaghyn
[reagh | edit source]- ↑ Flora Europaea: [1]
- ↑ a b Germplasm Resources Information Network: Ranunculus repens
- ↑ Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
- ↑ Flora of NW Europe: Ranunculus repens
- ↑ Plants for a Future: Ranunculus repens
![](http://178.128.105.246/host-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)