貓熊
- 參詳客家語白話字版本。 / Chhâm-siòng Hak-kâ-fa Pha̍k-fa-sṳ pán-pún.
貓熊一般安到熊貓、大熊貓或者大貓熊,係一種野生个哺乳動物。佢摎熊同貓仔一樣都是食肉目个。雖然講科學家當多將佢分至熊科下背去,猶有人試著其毋係熊个一種。
名字
[phiên-siá | kói ngièn-sṳ́-mâ]1869年,法國宣教師Armand David頭擺在中國个四川發現貓熊以後,將邇種動物个學名安到Ursus melanoleucus,意思係「烏色摎白色个熊」。後來法國國際自然歷史博物館个動物學家Alphonse Milne-Edwards研究David帶轉來个骨頭以後,認為這種物種同小熊貓當像,就將佢起學名安到Ailuropoda melanoleuca,意思係「像小熊貓个動物」。邇隻名仔至今下猶在用。
外形
[phiên-siá | kói ngièn-sṳ́-mâ]貓熊个膴身肥固固,頭圓滾滾仔,尾當短,身體面頂烏摎白兩種顏色分當清楚,膴身摎尾係白色,耳、目睭、手腳摎肩頭都係烏色个,肚底有个係棕色,有个係烏色。
貓熊个膴身一般有120至180公分恁長,尾差毋多有10至20公分恁長,膴身大概有60至150公斤恁重。一般來講雄性个比雌性个大頭一滴仔。
貓熊原旦係生活在暗摸摸仔个竹林裏肚,故所目睭毋好使,毋過佢在暗晡个時節一樣遽板。
分佈
[phiên-siá | kói ngièn-sṳ́-mâ]貓熊做得當做一種動物界个活化石,為因邇種動物个樣仔同幾十萬年以前个��麼个差別。上早在中國東部、南部至緬甸都有,至今下獨獨生活在四川部份地區了。佢主要在海拔2000至3000公尺个竹林或者針葉林肚。
習慣摎生態地位
[phiên-siá | kói ngièn-sṳ́-mâ]貓熊愛自家住,逐隻貓熊都有自家活動个地方。除忒發情个時期,佢都係自家住。當多人試著貓熊係主要食竹葉个一種動物。其實貓熊摎其他熊一樣係雜食動物,今下个貓熊在食肉動物向食草動物過渡个時期。貓熊會捉竹鼠邇類動物仔,乜會食動物个死屍,有个時節猶會去掠頭牲仔食。貓熊个下胲摎牙當有力,故所竹該樣硬个東西佢都有法度咬動。但係佢消化食物纖維摎養分个能力毋好,故所一日需要食15至20公斤个竹營養正會罅。
保護狀況
[phiên-siá | kói ngièn-sṳ́-mâ]1936年1月,頭隻貓熊分人運至美國个洛杉磯去展覽,當多美國人試著佢當生趣。邇隻貓熊後來分運至芝加哥,在1938年在該兜死忒。在佢死忒之前Brookfield動物園用2500美金个代價買開一隻貓熊轉來。1972年美國總統理查·尼克森訪問中國个時節,毛澤東將2隻貓熊送分美國。該時畜一隻貓熊需要260萬美金,若係再加一隻貓熊个徠仔,就會超過300萬銀,恁樣比其他瀕危動物使个錢較多。