Վիքիպեդիայից՝ ազատ հանրագիտարանից
- Վիքիպեդիայում կան հոդվածներ Դանիելյան ազգանունով այլ մարդկանց մասին։
Արմենակ Մանասի Դանիելյան (1912, Խնձորեսկ, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - դեկտեմբերի 5, 1977(1977-12-05)[1], Երևան, Հայկական ԽՍՀ, ԽՍՀՄ), հայ իրավաբան, իրավաբանական գիտությունների դոկտոր (1973)։
Արմենակ Դանիելյանը ծնվել է 1912 թվականին Խնձորեսկ գյուղում։ 1936 թվականին ավարտել է Երևանի պետական համալսարանի պատմության ֆակուլտետը, 1939 թվականին՝ Լենինգրադի իրավաբանական ինստիտուտը։ 1948-1958 թվականներին դասախոսել է Համամիութենական իրավաբանական ինստիտուտի մասնաճյուղերում, 1958-1964 թվականներին եղել է Վորոնեժի համալսարանի պետություն և իրավունքի տեսության և պատմության ամբիոնի վարիչ, 1965 թվականից` ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի ավագ գիտաշխատող։ 1965 թվականից դասավանդել է Երևանի պետական համալսարանի իրավաբանության ֆակուլտետում[2][3]։
- Դատարան և դատախազություն։ Մեթոդական մշակում, օգնություն Կոնստիտուցիայի դասատուներին, Դանիելյան, Արմենակ Մանասի, Արամյան, Լ., Երևան, 1946։
- Ընտրական սիստեմը ՍՍՌՄ-ում։ (Օգնություն Կոնստիտուցիայի դասատուներին), Արամյան, Լ., Դանիելյան, Արմենակ Մանասի, Երևան։ Ա.հ., 1947:
- ՍՍՌՄ Կոնստիտուցիայի դասավանդման մի քանի հարցերի մասին, Արամյան, Լ, Դանիելյան, Արմենակ Մանասի, Երևան։ Ա. հ., 1946:
- ՍՍՌՄ պետական իշխանության բարձրագույն օրգանները և պետական կառավարման օրգանները։ Միութենական և ավտոնոմ ռեսպուբլիկաների պետական իշխանության բարձրագույն օրգանները և պետական կառավարման օրգանները։ Պետական իշխանության տեղական օրգանները, Ջուհարյան, Թորգոմ Գևորգի, Դանիելյան, Արմենակ Մանասի, Երևան։ Ա. հ., 1946
- ՍՍՌՄ պետական կառուցվածքը։ Մեթոդական մշակում, օգն. Կոնստիտուցիայի դասատուներին, Ճուղուրյան, Ավետիս Սմբատի, Դանիելյան, Արմենակ Մանասի, Երևան։ Ա. հ., 1946:
- ՍՍՌՄ քաղաքացիների հիմնական իրավունքներն ու պարտականությունները։ Դանիելյան, Արմենակ Մանասի, Արամյան, Լևոն, Երևան։ Ա. հ., 1947:
- Սովետական Կոնստիտուցիայի զարգացման էտապները, Արամեան, Լ., Դանիելյան, Արմենակ Մանասի, Երևան։ Ա.հ., 1947:
- Սովետական իրավունքի բովանդակության ու ձևի հարաբերակցությունը, Դանիելյան, Արմենակ Մանասի, Երևան, ՀԽՍՀ ԳԱ , 1972։
- Սոցիալիստական իրավունքի բովանդակության ու ձևի հարաբերակցությունը, Դանիելյան, Արմենակ Մանասի, Երևան։ ՀԽՍՀ ԳԱ հրատարակչություն, 1972։
- Սպառկոոպերացիայի հաշվետու-վերընտրական կամպանիայի հիմնական խնդիրները, Դանիելյան, Արմենակ Մանասի. -- Հայկոոպ, Երևան տպ. Հայկոոպի, 1930։
