Aleksandr Lukashenko
_(cropped).jpg)
Aleksandr Lukashenko (con plen nónime Aleksandr Grigoryevich Lukashenko) es un politico de Bielorussia. It es desde li annu 1994 presidente de Bielorussia e guverna dictatorimen. On nómina le li ultim dictator de Europa.
Il nascet li 30-im de august 1954 in Kopys (Soviet-Union, hodie: Bielorussia).
Lukashenko ante il devenit presidente[modificar | redacter fonte]
Il studiat agricultura al Agricultural Academie Horki (Bielorussia e historie al Pedagocic Alt-scola in Mahiljou.
- 1975 Aleksandr Lukashenko maritat Galina Zhelnerovich. Li cuple have du filios.
- 1975-1977 Lukashenko laborat quam instructor del frontiera-truppe del soviet servicie-secret KGB.
- 1980-1982 Vice-politico-oficero de un tank-companie.
Pos to il devenit un secretario del Comunist Partise del Soviet-Union. Il esset contra li reform-politica del general-secretario Mikhail Gorbatshev.
Lukashenko quam presidente[modificar | redacter fonte]
In li annu 1994 Aleksandr Lukashenko esset electet quam presidente de Bielorussia quam índependent candidate e es presidente desde li 20-im de julí 1994. Il transformat li land in un personal dictatura con strett relationes con Russia. Il ignorat e changeat li constitution secun su vole e lassat se electer in manipulat electiones in li annus 2001, 2006 e 2011. Lukashenko persecutet su political adversarios. Quelc states e organisationes fa Lukashenko responsabil por li mortation de jurnalistes e political oponentes.
Pro su índemocratic politica Lukashenko ha isolat su land de Europa e il es politicmen e economicmen totmen dependent de Russia. Li Europan Union ha interdictet Lukashenko intrar in li membre-states del Europan Union.
Lukashenko ne ha fundat un political partise. Li max important organisationes, queles suporta le, es li organisation Belaja Rus e li yunitá-organisation Belorussian Republican Union de Yunitá.
Personal informationes pri Lukashenko[modificar | redacter fonte]
Lukashenko self vide e nómina se бацька (papá). Il prefere li russ quam lingue e ne parla e ne suporta li national lingue de su país bielorussian. Hodie il vive separat de su vice e il have un triesim filio Nikolay con un altri fémina. Aleksandr Lukashenko ama e suporta li sport. Il esset anc presidente del National Olimpic Comité de Bielorussia e su preferet sport es li hockey sur glacie.