Spjall:Frumtala

Bara vangaveltur: Af því að prímtölur er útlenska (primtal, prime numbers) en frumtölur er löngu orðin viðurkennd íslenska fyrir sama hugtak, þá væri kannski réttara að láta þessa síðu heita frumtölur og beina svo frá prímtölum til frumtalna í stað þess að hafa það öfugt eins og nú er. Hvað finnst mönnum?

Máski, hinsvegar er alltaf talað um prímtölur, þótt það sé tökuorð. --

Ævar Arnfjörð Bjarmason 22:12, 19 Jul 2004 (UTC)

Reyndar alls ekki rétt að "alltaf" sé talað um prímtölur. Þetta er mér vel kunnugt, sem stærðfræðikennara í 30 ár, svo að hér er misskilningur á ferðinni. --Moi 18:26, 20 Jul 2004 (UTC)

Alls ekki alltaf, ég er hinsvegar ekkert á móti nýju staðsetningunni, bara fínt ef það er minnst á að þetta sé einnig kallað prímtölur. -- Ævar Arnfjörð Bjarmason 22:47, 20 Jul 2004 (UTC)

Það er talað um náttúrlegar tölur en ekki náttúrulegar tölur. Þið sjáið hvar munurinn liggur.

Sumir gera það og aðrir ekki! --Moi 19:30, 24 okt 2004 (UTC)

Ég kannast einfaldlega ekki við að prímtölur og frumtölur séu það sama. Nú teygi ég mig t.d. í bókina Latnesk málfræði eftir Kristinn Ármannsson (bara af því að hún er á borðinu hérna hjá mér og ég veit að hann fjallar um bæði frumtölur og raðtölur í latínu) og viti menn, hann kallar tölurnar einn, tveir, þrír, fjórir, fimm o.s.frv. frumtölur. Þess má geta að bókin kom fyrst út 1940 svo ekki er þetta nýr skilningur á orðinu. --Cessator 30. júní 2006 kl. 10:15 (UTC)[svara]

Það er rétt í þessu máli, að notkun orðsins frumtala í merkingunni prímtala er yngri en hin merkingin. Hún er samt nokkurra áratuga gömul í það minnsta og er sú merking sem ég lærði í menntaskóla og háskóla eftir það og hef stuðst við í minni stærðfræðikennslu síðan 1976. Þessi skilgreining er jafnframt sú sem notuð er í öllum stærðfræðikennslubókum á íslensku sem ég hef séð ef þær á annað borð íslenska orðið prímtala (en það gera þær ekki allar). Þær leggja hins vegar áherslu á það að prímtala heiti á íslensku frumtala. Talnamengið 1, 2, 3, 4, 5, 6 ... heitir eftir atvikum fjöldatölur eða náttúr(u)legar tölur (á ensku counting numbers, natural numbers, cardinal numbers). Stærðfræðingar seinni áratuga ákváðu bara að fara ekki í smiðju Kristins Ármannssonar varðandi nafn á prímtölurnar, þó svo að hann sé mjög virtur málvísindamaður, heldur var valin önnur leið. --Mói 3. júlí 2006 kl. 02:57 (UTC)[svara]

Gott og vel. Ég hef svo sem ekkert á móti orðinu „fjöldatala“ þannig séð. Ætli neðanmálsgreinin sem ég setti inn dugi ekki til að útskýra misræmið milli yngri og eldri skilnings orðsins? --Cessator 3. júlí 2006 kl. 18:32 (UTC)[svara]

Jú það held ég bara. Allavega er ég alveg sáttur við þetta núna, því að hér kemur vel fram að frumtala í merkingunni náttúruleg tala er eldra og tíðkast ekki lengur. Vonandi eru nú allir sáttir? --Mói 3. júlí 2006 kl. 18:41 (UTC)[svara]

Þarf ekki að færa þessa grein yfir á Frumtala (stærðfræði) og láta málfræðilega fyrirbærið vera hérna? --Baldur Blöndal 14. desember 2007 kl. 10:27 (UTC)[svara]

Jú, það verður að gera! Thvj 14. desember 2007 kl. 13:09 (UTC)[svara]

Ég greindi þessi tvö afar ólíku fyrirbæri að- þótt það sé ennþá ekki til grein um málfræðihugtakið. --Baldur Blöndal 20. febrúar 2008 kl. 14:53 (UTC)[svara]