Spjall:Sjálfstæðisflokkurinn

ætti að vísa í þessa síðu frá xD? 85.220.121.141 23. apríl 2006 kl. 02:47 (UTC)jb[svara]

Hvers vegna ekki? Þetta er opinber síða flokksins. --Cessator 23. apríl 2006 kl. 03:10 (UTC)[svara]

nei ég meina frá leitarorðinu xd á wiki 85.220.121.141 24. apríl 2006 kl. 23:55 (UTC)jb[svara]

Já ég skil þig. Jah.. ég veit það eiginlega ekki. Sjáum hvað aðrir segja. --Cessator 24. apríl 2006 kl. 23:59 (UTC)[svara]

Það er alveg sjálfsagt, hinsvegar er einn ágalli, það gengur ekki að hafa lítið x í upphafi svo að það yrði XD. Það svo sem breytir engu þar sem þetta er bara tilvísun. --Friðrik Bragi Dýrfjörð 25. apríl 2006 kl. 12:58 (UTC)[svara]

Vil benda á að XD er líka broskall sem er mikið notaður á internetinu. --Heiða María 25. apríl 2006 kl. 15:32 (UTC)[svara]

Ég þýddi bara aðgreiningarsíðuna en:XD (sjá XD) og bætti við þessu með Sjálfstæðisflokkinn við. – Krun 25. apríl 2006 kl. 19:01 (UTC)[svara]

Þessar tilvitnanir í inngangnum, þar sem vísað er til sjálfstæðisstefnu flokksins virðast mér innistæðulausar.

Stefna flokksins nefnist Sjálfstæðisstefnan hún er tvíþætt: Annarsvegar „að vinna að varðveislu hins íslenska lýðveldis, sjálfstæðis og fullveldis og hagnýtingu gæða landsins í þágu íslenskra þegna“ Hinsvegar „að efla í landinu þjóðlega, víðsýna og frjálslynda framfarastefnu á grundvelli einstaklingsfrelsis, atvinnufrelsis og séreignar, með hagsmuni allra stétta fyrir augum.“

Það má vel vera að þetta sé rétt en á heimasíðu flokksins er ekkert um þetta. Á hinn bóginn er þetta orðrétt í lögum SUS [1] sem er nú annar handleggur. --Jabbi 12:58, 11 desember 2006 (UTC)

Er þetta ekki vill að segja að Sjálfstæðiðsflokkurinn er hægri? Stefna þeirra upp á síðkastið telst til vinstri og það vel

Miðað við stefnu flokksins og sögu er óhætt að nota hugtakið hægri um þá að mínu mati. Ef þú hefur einhverjar heimildir þar sem honum er lýst sem vinstriflokk væri áhugavert að sjá þær. Það mætti þá kannski skrifa greinarhluta þar sem því sjónarmiði er lýst. :) --Friðrik Bragi Dýrfjörð 17:42, 12 apríl 2007 (UTC)

~~Butcer~~ Landbúnaðastefnan þeirra telst til vinstri og það gróflega, neyslustýringar eins og sykurskatturinn telst ekki til hægri, hækkun á áfengisgjöldum og tóbaksgjöldum telst ekki til hægri ~~ Butcer ~~

Vinstri og hægri og önnur hugtök sem eru notuð til að lýsa stjórnmálastefnum eru virkilega vandmeðfarin á Wiki held ég vegna hlutleysisreglunnar og banns við frumrannsóknum, þetta eru mjög fljótandi hugtök sem geta merkt gjörólíka hluti í hugum lesenda. Því held ég að það sé ekki hægt að slá því föstu í fyrstu setningunni að Sjálfstæðisflokkurinn sé hægriflokkur eins og það sé óhagganleg staðeynd. Ég held að eðlilegast sé að skilgreina flokkinn eins og hann gerir sjálfur og vísa í heimildir fyrir þeirri skilgreiningu. Ef einhver málsmetandi maður hefur uppi efasemdir um að flokkurinn standist eigin skilgreiningu þá er sjálfsagt að taka það líka fram í greininni og vitna í það með sama hætti. Þessi athugasemd gildir einnig um aðrar greinar um stjórnmálaflokka hér. --Bjarki 01:17, 20 apríl 2007 (UTC)

Það er rétt, það ætti í raun að segja að flokkurinn kenni sig við hægristefnu og vísa í stefnuskrá þeirra. Eins og ég sagði ef einhver hefur haldið því fram á opinberum vettvangi að stefna þeirra sé vinstrisinnuð ætti það að koma fram með heimildum. Butcer getur kannski frætt kannski skrifað um það í greininni undir sérstökum greinarhluta með vísun í heimildir. --Friðrik Bragi Dýrfjörð 13:12, 20 apríl 2007 (UTC)

Fann heimilld þar sem þingmaður segjir þá vera vinstri flokk

Það er sjálfsagt að geta um gagnrýni á stefnu stjórnmálaflokka en mér finnst nú þurfa meira samhengi og rökstuðning í þetta skot. Það eitt að segja að sumum finnist eitthvað um einhvern er ekki sérstaklega gagnleg viðbót við greinina. Ekki frekar en að það stæði í greininni um George Bush að „mörgum finnist hann vera algjört fífl“ þó að það sé hægt að finna milljón heimildir fyrir því, þar væri eðlilegra að kafa dýpra í ástæðurnar sem búa að baki vanþóknuninni. Hver nákvæmlega segir að Sjálfstæðisflokkurinn sé vinstrisinnaður og samkvæmt hvaða rökum?

Annað vandamál hérna er vægið. Greinin er örstutt, það er nánast ekkert fjallað um störf flokksins og stefnumál eða gagnrýni á þau og þá lítur það dálítið kjánalega út að það sé sérstaklega minnst á það í inngangi greinarinnar að sumum finnist flokkurinn of vinstrisinnaður eins og það sé eitthvað aðalatriði, sem það er nú varla. Besta lausnin við því vandamáli er auðvitað að lengja greinina og finna þessari gagnrýni stað á meira viðeigandi stað. --Bjarki 30. janúar 2008 kl. 22:43 (UTC)[svara]

Það hafa margir kallað sjálfstæðisflokkinn vinstriflokk með ýmsum rökum og sjálfsagt að það komi fram hér - en svona skammtar eru bara blammeringar, þótt takist hafi að finna eina tilvitnun í þingmann Frjálslynda flokksins þar sem hann lætur það flakka á þingi. Þetta er POV-pushing, svo ég tók breytingarnar til baka. --Akigka 30. janúar 2008 kl. 23:53 (UTC)[svara]

Sjá Spjall:Styrkjamálið --Jabbi 15. apríl 2009 kl. 20:21 (UTC)[svara]

Úr ævisögu Stefáns Jóhans Stefánssonar:

Því verður hins vegar ekki neitað, að bæði innan Framsóknar- og Sjálfstæðisflokksins voru nokkrar vomur á sumum í afstöðu þeirra til þessara mála. Einkum voru margir Sjálfstæðismenn veikir fyrir hinu nýja nasistíska Þýskalandi. En innan Framsóknarflokksins fundust einnig menn, jafnvel í fremstu röð, sem vildu að minnsta kosti ekki óvingast neitt við það ægivald. Áhrifa slíkrar afstöðu gætti nokkuð í þjóðstjórninni. Vera má, að það hafi verið tækifærissinnuð sjónarmið, er því ollu. En vel mátti merkja þar samúð og andúð. Ólafur Thors og Eysteinn Jónsson voru þó mjög fylgjandi stefnu vestrænna lýðræðisríkja og drógu aldrei dul á það, er um þessi mál var rætt innan ríkisstjórnarinnar. --89.160.147.231 17. júní 2010 kl. 17:12 (UTC)[svara]

Hér í eina tíð voru kjörorð Sjálfstæðisflokksins: Stétt með stétt. Veit einhver hversu lengi þessi orð voru kjörorð hans, þeas frá því Thor Thors tók þau upp árið 1934. Og endilega ef þið þekkið einhver önnur slagorð flokksins, sitjið þá ekki á þeim. --89.160.147.231 4. ágúst 2011 kl. 21:43 (UTC)[svara]

Fjarlægði óárennilega töflu. Setti inn grafískt línurit í staðinn. --Jabbi (spjall) 25. mars 2012 kl. 22:28 (UTC)[svara]