Juan Manuel Santos

Juan Manuel Santos
Gebuer	10. August 1951 Bogotá
Nationalitéit	Kolumbien
Educatioun	Universitéit vum Kansas, London School of Economics, John F. Kennedy School of Government, Fletcher School of Law and Diplomacy
Aktivitéit	Politiker, Journalist, Ekonomist, Affekot

De Juan Manuel Santos Calderón, gebuer den 10. August 1951 zu Bogotá, ass e kolumbianesche Geschäftsmann, Politiker a fréiere Verdeedegungsminister vu sengem Land. Hie war vum 7. August 2010 bis de 6. August 2018 President vu Kolumbien.

Scho säi Groussmonni, den Eduardo Santos, war vun 1938 bis 1942 President vu Kolumbien. Säi Papp, den Enrique Santos, war iwwer 50 Joer Zeitungsediteur, a säi Koseng, de Francisco Santos war Vizepresident vu sengem Virgänger, dem Álvaro Uribe.

2016 krut hien de Friddensnobelpräis als Unerkennung fir seng Beméiungen, de joerzéngtelaange Biergerkrich a sengem Land op en Enn ze bréngen.

Commons: Juan Manuel Santos – Biller, Videoen oder Audiodateien