Worm
- Veur 't deer, zuug Wörm.
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
![](http://178.128.105.246/host-http-upload.wikimedia.org/wikipedia/commons/thumb/d/d9/M%C3%BChle_bei_Rimburg.jpg/250px-M%C3%BChle_bei_Rimburg.jpg)
De Worm (Duutsj: Wurm) is 'n 53 kilometer lang naevereveer van de Roer in d'r Euregio Maas-Rien en 'n historische en aktueel grensreveer. De Worm oontsjpringt in Burtscheid en mondt noordelek van Heinsberg oet in de Roer. D'r naam zów Keltisch va oorsjprong zieë en de betekenis va waerm mèt zich drage. 'n Ander verklaoring zów kènne zieë dat 't waoërd oetgeet óp *uer-, *our- dat wäöerd in de Indogermaanse tale de betekenis va water, raege, reveer mètgoof.
Loop
[bewirk | brón bewèrke]De Worm oontsjpringt an d'r voot van d'r Duisbergkopf, 'ne ten zuide va Aoke liegkende hövvel van d'r Aachener Wald en löpt nao 't noorde, bergafwaards in 't Aokener bekke. In dit bekke haat de Worm de vólgende ziejbaeëke:
- Beverbach,
- Gillesbach,
- Kupferbach,
- Prediger Bach,
- Goldbach
- Paubach
- Kannengießerbach,
- Johannisbach
- Haarbach.
De Worm is de reveer oeë 't gaans Aokener bekke óp aafwatert en 't is ooch de reveer oeë werm en kow baeëke in biejèè kaome.
Saer 't midde van d'r 18de ieëw is de Worm oonder Aoke gekanaliseerd en is allèng nog in de buurt van de brón en in Haaren bie d'r Europaplatz zichtbaar. De reveer meandert vöral in 't natuurgebied Wurmtal tösje Würselen en Herzogenrath.
![](http://178.128.105.246/host-http-upload.wikimedia.org/wikipedia/commons/thumb/6/69/R%C3%B6merbadPalenberg.jpg/250px-R%C3%B6merbadPalenberg.jpg)
Nao Aoke monde de vólgende baeëke oet in de Worm:
- Wildbach (Aoke)
- Haarbach (Aoke)
- Meisbach (Würselen)
- Broicher Bach (Herzogenrath)
- Amstelbach en Dentgenbach (Kèrkrao, allebèj monde bie Eygelshoven in 'n gemeensjappeleke monding in de Worm)
- Übach (Übach-Palenberg-Marienberg)
- Horster Fließ (Heinsberg-Horst)
- Beeck (Geilenkirchen-Nirm)
- Teichbach (Hückelhoven-Hilfarth)
- Lieker Bach bie Heinsberg-Kempen (vreuger ooch Junge Wurm geneumt)