Luigi Di Maio
![](http://178.128.105.246/host-http-upload.wikimedia.org/wikipedia/commons/thumb/1/14/Luigi_Di_Maio_2019.jpg/220px-Luigi_Di_Maio_2019.jpg)
El Luigi Di Maio (Avellino, 6 de luj del 1986) l'è on politegh italian, deputaa de la XVII e XVIII Legisladura de la Republega Italiana cont el Moviment 5 Stell, che poeu l'ha lassaa per fondà Insema per el Futur, quand che la s'ceppadura in sui politegh del governo Draghi l'è deventada insanabel.
L'è staa vicepresident de la Camera dei deputati in la XVII legislatura, el pussee giovin in la storia de la Republega a vessel.
A l'è staa scernuu in di primari del 2017 'me candidaa del Moviment a la carica de President del Consili, de che 'l reppresenta el capo politegh.
El 1 de giugn del 2018 el giura 'me minister del lavorà e del desvilupp econòmich del Governo Conte I. El 5 de settember del 2019 el giura 'me minister di affar forest in del Governo Conte II, roeul confermaa in del governo Draghi, indova che 'l resta fina al 22 de ottover 2022.
In di elezion del 2022 l'è minga confermaa e in del governo Meloni l'è sostituii de l'Antonio Tajani.