Manganell
El manganell a l'è on tarell doperaa di forz de polizia 'me arma de difesa o per gestì i situazion de sommossa. In origin a eren faa de lègn ma incoeu ghe n'è de gomma o de metall.
A hinn doperaa de solit per difend el polee se 'n quajvun el proeuva a taccàll o per tegnì a distanza de sigurezza i sgent in di cortee. Quand che l'è doperaa in del combattiment corp a corp a l'è doperaa in di zon che permetten de fermà 'na personna, per esempi in su fasc di nervi di gamb, menter l'us in sui zon pussee pericolos, 'me la crappa, a l'è limitaa ai situazion de perigol de mort. Cont on bon us del manganell a l'è anca possibel desarmà 'n quajvun e buttàll per terra per fermàll.
Ghe n'è anca che se pòden slongà in cas de besogn menter di alter gh'han on lat cont on'elettrifegazion per fermà i gent pussee perigolos.
Riferiment
[Modifega | modifica 'l sorgent]Alter progett
[Modifega | modifica 'l sorgent]Wikiquote el gh'ha dent citazzion de o su Manganell
Wikimedia Commons el gh'ha dent imagin o alter archivi su Manganell