Mort
![]() |
Quest articol chì l'è scrivud in lombard, con la Noeuva Ortografia Lombarda |
![](http://178.128.105.246/host-http-upload.wikimedia.org/wikipedia/commons/thumb/e/e6/Edmund_Blair_Leighton-To_the_Land_Unknown-1911.tif/lossy-page1-350px-Edmund_Blair_Leighton-To_the_Land_Unknown-1911.tif.jpg)
La mort l’è la fin de la vita,[1] la cessazzion inreversibila de tute i fonzion biologeghe che sostegnen un organisem vivent. Quell ch’a resta de un organisem mort, de solit, el taca a marscì subet apœus a la mort.[2] La mort la riva per tucc e sgeneralment l’è aplicada a tut l’organisem. L’equivalent de la mort per di component individuai de un organisem – compagn di cellule e di tessud – l’è la necros.[3]
Capì quand che una persona la mœur l’è stait storegament malfà. A l’inizzi, a gh’era una defenizzion de mort che la portava che l’ocorreva quand che la persona la desmeteva de respirà e el sò cœur de bater, ma al dì de incœu quell lavor chì l’è nomà cognossud coma “mort clinega”.[4] Cont el vanzà de la medesina s’è descovert che quell istacc chì l’è pu inscì final coma es pensava.[5] La mort del scervell l’è considerada coma un quajcoss che el gh’ha pussee de sens, ma a gh’è tante defenizzion per quella roba chì. Un quajvun el cred che tute i fonzion del scervell gh’hann de fermàss, quand che dei olter disen che se la personalitaa e el sens de identitaa inn indait perdud per semper, la persona l’è de consideràss morta.[6] La mort del scervell l’è despess dovrada coma la defenizzion legal de mort.[7]
Tante colture gh’hann un’ideja de la vita depos la mort, che la pœul tœù denter el sgiudizzi divin de la vita di persone e de quell che hann fait quand che i eren ancamò viv. Gh’è anca devers costum per onorà la salma, compagn de l’obet, la cremazzion o el funeral del zel.[8]
Referenze
[Modifega | modifica 'l sorgent]- ↑ Cambridge Dictionary
- ↑ Hayman, Jarvis (2016). Human body decomposition. Amsterdam: Elsevier. ISBN 978-0-12-803713-3. OCLC 945734521.
- ↑ Cambridge Dictionary
- ↑ United States. President's Commission for the Study of Ethical Problems in Medicine and Biomedical and Behavioral Research (1981). Defining Death: A Report on the Medical, Legal and Ethical Issues in the Determination of Death · Part 34. The Commission, 63.
- ↑ United States Department of the Army (1999). Leadership Education and Training (LET 1). United States Department of the Army, 188.
- ↑ Zaner, Richard M. (2011). Death: Beyond Whole-Brain Criteria, 1st, Springer, 77, 125. ISBN 978-94-010-7720-0.
- ↑ Dictionary.com
- ↑ Newcomb, Tim (October 17, 2019). 7 Unique Burial Rituals Across the World.
Ligam de denter
[Modifega | modifica 'l sorgent]Ligam de fœura
[Modifega | modifica 'l sorgent]Wikiquote el gh'ha dent citazzion de o su mort
Wikimedia Commons el gh'ha dent imagin o alter archivi su mort