Sodoma e Gomorra
![]() |
Quest articol chì l'è scrivud in lombard, con la Noeuva Ortografia Lombarda |
![](http://178.128.105.246/host-http-upload.wikimedia.org/wikipedia/commons/thumb/f/fa/Sodom_and_Gomorrah_afire%2C_by_Jacob_Jacobsz._de_Wet_d._J.%2C_probably_K%C3%B6ln%2C_c._1680%2C_oil_on_canvas_-_Hessisches_Landesmuseum_Darmstadt_-_Darmstadt%2C_Germany_-_DSC01149.jpg/220px-thumbnail.jpg)
![]() |
«O moda infama e porca, che in d'on bott
L'ha somenaa, l'ha spantegaa la pest |
(F. Pertusaa, Dòdes sonitt d'on meneghin del credo vecc sulla moda del vestiss di donn)
|
Sodoma e Gomorra a inn do cità che in del cunt de la Genesi inn stade destrugade de Yahweh perchè quei che ghe viveven pecaven un frach e eren pien de vizzi.[1] El Signor el voleva mandà sgiò di preje de foeugh, ma l'Abram gh'ha did de fàll no e de sparmì la cità se se trovaven prima cinquanta e poeu des giust, Yahweh donca el manda i sò angel, ma la popolazzion la voeul violentài, donca lor ghe ordena al Lot e a la soa familia de andà via, e 'l Signor el manda sgiò foeugh e solfer per meter fin a 'sti cità piene de pecad.[1]
Inn stade tirade poeu inanz, sia in la Tanakh che in del Noeuv Testament, 'me esempi de vizzi e de castigh per el pecad: desgià che in tra i vari azzion che se faseven a Sodoma gh'era el sess anal, la parolla sodomia l'è deventada un sinomin religios de quella pratega li e, in general, de ogni forma de sessualità retegnuda contra la natura.[1]
Anca el Coran el parla, anca se minga diretament, de la cità de Sodoma, in del cuntà de la vita de Lot.[1]
El se sa minga se Sodoma e Gomorra inn di cità che gh'è stade debon o inn domà mitologeghe: gh'è di archeolegh che pensen de havé trovad di rest che poden representà di cità che gh'hann havud un gran cataclisma del spazzi in di bande de la Giudea.[2]
Riferiment
[Modifega | modifica 'l sorgent]- ↑ 1,0 1,1 1,2 1,3 (EN) Sodom and Gomorrah
- ↑ (EN) Sodom and Gomorrah? Evidence That a Cosmic Impact Destroyed a Biblical City in the Jordan Valley
Alter proget
[Modifega | modifica 'l sorgent]Wikiquote el gh'ha dent citazzion de o su Sodoma e Gomorra
Wikimedia Commons el gh'ha dent imagin o alter archivi su Sodoma e Gomorra