Goor
![](http://178.128.105.246/host-http-upload.wikimedia.org/wikipedia/commons/thumb/d/d8/Goor_karke.jpg/150px-Goor_karke.jpg)
Goor is ne stad in de Tweantse gemeante Hof van Tweante in de Nederlaandse proveensie Oaveriessel. Töt de gemeentelike herindeling van 1 januari 2001 was t ne zölfstandige gemeante. t Had op 1 januwoari 2021 12.155 inwonners en is de grötste plaatse van de gemeante.
De naam Goor bedudt moorassigen bosgroond en wördt vuur et eerste daleskreven tusken 1027 en 1048.
Goor kreag in 1263 stadsrechten van Hendrik I van Vianden, bisschop in Sticht Utrecht. In de Middeleeuwen en et begin van de Nieje Tied was et et centrum van et bestuur van Tweante. Noa de Reformatie wörden Goor in heuvdzaak protestaants, al steet et rechtevoort vuural bekeand as 'et rooie dorp'.
In Goor is an et Tweantekanaal seed 1937 Eternit vestigd, een fabriek vuur dakdekkersmaterialen vuur de laandbouw. Dat wör in anvaank vake van asbest maakt. Veur at bekend was dat dat schadelik was, konnen de leu gratis asbestoaverbliefsels ophalen biej Eternit. Völle boeren deuden der de opritten noar öar arf met verharden. Dat hef der vuur zoargd dat der in et gebeed roondum Goor oaveral asbest te veenden was, woarduur meer leu as normaal mesothelioom, ne oard longkaanker, kreagn. An et eande van de 20e eeuw is een begin maakt um disse asbestkroam te rumen.
Mooi um te weten
[bewark | bronkode bewarken]![](http://178.128.105.246/host-http-upload.wikimedia.org/wikipedia/nds-nl/thumb/d/d2/Swaffelo.jpg/150px-Swaffelo.jpg)
- In Goor doot ze alle joaren in juni de school- en volksfeesten vieren, ook wal et 'Goorse Karnaval' neumd. Zoaterdagens is der nen optocht vuur de keender, zöandaagns vuur de groten. Dissen optocht hef as eandpeunt ne grote feestteante. Roondum de feestteante is nen groten kaarmsel.
- Wat leu woln de naam Goor anpassen, umdat disse naam neet mear van disse tied zol wean. Leu konnen op ne webstea öare bedeanksels inbrengen en stemmen. Oet de oetslag bleek wat de echte Goorsen van de naamsveraandering veundn: de meeste stemn warn vuur Swaffelo. As tweede köm Hendrik Ido Asbest. Op de school- en volksfeestn van 2009 wörden as strakke aksie alle plaatsbrödjes vervöngen.
Oetgoande verbeendige
[bewark | bronkode bewarken]
![]() | Plaatsn in de gemeente Hof van Tweante | ![]() | ||||||
---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes |