Maschener Krüüz
![](http://178.128.105.246/host-http-upload.wikimedia.org/wikipedia/commons/thumb/6/6c/Maschener_Kreuz.svg/220px-Maschener_Kreuz.svg.png)
Dat Maschener Krüüz is en Autobahnkrüüz bi den Oort Maschen in’n Noordoosten von Neddersassen (Gemeen Seevdaal, Landkreis Horborg). Dat Krüüz besteiht ut twee Delen, en Oostdeel un en Westdeel. De Westdeel knüppt de Autobahn 39 an de A 7 an. In’n Oostdeel een Kilometer in’n Oosten doot sik de Autobahnen A 1 un A 39 krüzen. Twüschen de beiden Delen liggt dat Daal von de Seev. Dat liggt op üm un bi 12 Meter över NN.
De Westdeel is as Gavelung anleggt, de Oostdeel as modifizeert Kleverbladd. De Modifikatschoon is, dat dat Ohr in’n Süüdoosten wat enger boot worrn is, von wegen de Gebüüd, de dor staht.
De A 1 un de A 7 draapt sik een Kilometer in’n Süden in dat Hoster Dreeeck al wedder.
Historie
[ännern | Bornkood ännern]Dat Dreeeck is tohoop mit de A 250 (nu Deel von de A 39) anleggt worrn, de op dissen Afsnidd 1985 boot worrn is.
Koordinaten:53° 24′ N, 10° 1′ O