Årestad
![](http://178.128.105.246/host-http-upload.wikimedia.org/wikipedia/commons/thumb/a/a8/Kanak_house_hearth.jpg/220px-Kanak_house_hearth.jpg)
Årestad er ein eldstad der ein har ein åre, ein open eld utan skorstein. Røyken siv anten ut gjennom ein ljore eller sprekker i taket. Årestaden finst typisk midt i rommet, men han kan òg vera langs ein vegg.
![](http://178.128.105.246/host-http-upload.wikimedia.org/wikipedia/commons/thumb/1/19/Japanese_Traditional_Hearth_L4817.jpg/220px-Japanese_Traditional_Hearth_L4817.jpg)
Årar var vanleg i Europa til og med mellomalderen, og blei brukt til matlaging og oppvarming av hus. I Noreg hadde ein ofte eigne årehus: Eldhus, ljorestover eller røykstover. Hus med åre blei kalla årestove etter at skorsteinen blei teken i bruk andre stader. I rorbuer i Nordland hadde ein årestader heilt fram til 1900-talet. Der blei dei ofte plassert ved gavlveggen og kalla «flu».
Årestaden er heilag i nokre kulturar, som den gammalgreske og romerske, der høvesvis Hestia og Vesta var gudinner for han.
I overført tyding viser årestad (bokmål arnested) til ein opphavsstad for noko, liknande «vogge».
Kjelder
[endre | endre wikiteksten]- åre i Store norske leksikon, henta 2011-10-09.
- «årestad» i Nynorskordboka.