Pommersk
![](http://178.128.105.246/host-http-upload.wikimedia.org/wikipedia/commons/thumb/a/a4/Stefan_Ramult-Pomeranian_Dictionary.png/250px-Stefan_Ramult-Pomeranian_Dictionary.png)
Pommersk var ei gruppe av nærskylde dialektar som høyrde til den lechitiske undergruppa av vestslaviske språk. Det vart brukt i Pommern, og kasjubisk er den einaste dialekten som har overlevd fram til no. Den geografiske plasseringa gjorde at dialektane i gruppa viste trekk som er typiske både for polsk og polabisk.
Omgrepet det pommerske språket dukkar opp ganske ofte[1], men er upresist fordi dei faktiske forholda mellom dialektane ikkje er kjende, hovudsakleg grunna mangel på kjelder. Dette omgrepet opptrer ogso i samanhengar der det viser direkte til kasjubisk[2] eller til språket dei pommerske dialektane utvikla seg frå[3]. Tradisjonelle studiar i polsk dialektologi plasserer derimot pommersk inni det polske dialektområdet[4].
Den pommerske gruppa inneheld vestpommerske talemål, slovinsk talemål og kasjubisk. Gjensidige forhold mellom desse talemåla og forholdet deira til grannespråka polabisk og polsk er vanskeleg å vurdere, spesielt sidan det berre er kasjubisk som framleis er i live og vert brukt av relativt få menneske i det pommerske voivodskapet i Nord-Polen.
Referansar
[endre | endre wikiteksten]- ↑ Milewski, Tadeusz (2006). Językoznawstwo. Warszawa: PWN.
- ↑ Ramułt, Stefan (2011). Słownik języka pomorskiego, czyli kaszubskiego. Gdynia: Region.
- ↑ Lingvistisk kort av vestslaviske land i 800-950 med ei separat pommersk dialektgruppe, arkivert frå originalen 8. mars 2012, henta 25. mai 2014
- ↑ Brückner, Aleksander (1960). Dzieje języka polskiego. Wrocław: Ossolineum.