Zelenci
![](http://178.128.105.246/host-http-upload.wikimedia.org/wikipedia/commons/thumb/4/40/Zelenci_4.jpg/220px-Zelenci_4.jpg)
Zelénci er ei kjelde til Sava Dolinka, ei sideelv til Sava. Ho ligg nær byen Kranjska Gora heilt nordvest i Slovenia.
Ved Zelenci kjem vatn frå undergrunnskjelda Nadiža opp gjennom den porøse botn av innsjøen. Kjelda og det omliggande området er kalla opp etter det grøne vatnet i kjelda, zelen som tyder «grøn» på slovensk.
Geologi
[endre | endre wikiteksten]Den Øvre Savadalen er skapt av isbrear i Planica. Området har mykje innsjøsediment, så Zelenci er truleg restane etter den mykje større Korensjøen som vart skapt då isbreane trekte seg tilbake.
Zelenci vert rekna som den lengste av dei to kjeldeelvane til Sava, den lengste elva i Slovenia på 219 km.
Den porøse kalken i Zelenci gjer at vatn piplar opp frå under bakken via små stråler, eit fenomen som er unikt i Slovenia. På grunn av dette er vasstemperaturen 5-6 °C året rundt.
Naturreservat
[endre | endre wikiteksten]Zelenci vart erklært eit naturreservat i 1992, både av geologisk interesse og for dei mange utryddingstruga dyre- og planteartane som finst her. Naturreservat er 47 hektar stort.[1]
![](http://178.128.105.246/host-http-upload.wikimedia.org/wikipedia/commons/thumb/c/c7/Zelenci_3.jpg/220px-Zelenci_3.jpg)
46°29′31″N 13°44′16″E / 46.492°N 13.7378°E
Kjelder
[endre | endre wikiteksten]- Denne artikkelen bygger på «Zelenci» frå Wikipedia på engelsk, den 20. april 2009.
- Wikipedia på engelsk oppgav desse kjeldene:
- Decree on Declaration of Zelenci as Nature Reserve, Official List Nos. 53/92, 17/94, Official List of Upper Carniola, No. 32/96 (Odlok o razglasitvi Zelencev za naravni rezervat, Uradni list št. 53/92, 17/94, Uradni vestnik Gorenjske, št. 32/96)
- Sinfo (Jan 2006) ISSN 1854 0805 https://web.archive.org/web/20081011155136/http://www.ukom.gov.si/eng/slovenia/publications/sinfo/2006-januar.pdf
- ↑ «Sinfo» (PDF). Jan 2006. Arkivert frå originalen (pdf) 11. oktober 2008. Henta 25. oktober 2008.