Jatropha
Jatropha | ||||||||||||||||
---|---|---|---|---|---|---|---|---|---|---|---|---|---|---|---|---|
![]() Ing spicy jatropha (Jatropha integerrima)
| ||||||||||||||||
Scientific classification | ||||||||||||||||
| ||||||||||||||||
Species | ||||||||||||||||
Manga 175, lon ya ing Section Species. |
Ing Jatropha metung yang genus a bibilugan da reng manga 175 a tanaman a makatas (succulent), palungpung (shrubs) ampong pun dutung (deciduous la reng aliwa, antimo ing galumbang o Jatropha curcas L.), ibat king familiang Euphorbiaceae.
Tubu la kareng mangapaling (tropical) a lugal deng tanaman ibat king genus a iti antimo king India, Africa, Pangulung America, ampo king Carribean.
Migumpisa ya king Caribbean ing jatropha, at kinalat da antimong pamakud (hedge plant) king Africa ampong Asia deng negocianting Portugues.
Atin lang sampagang lalaki ampong babai deng mangalating pun dutung, at e la masiadung daragul.
Vegoil ampong biodiesel
[mag-edit | alilan ya ing pikuwanan]King salukuyan, gagamitan de ing laru ibat kareng butul ning Jatropha curcas (galumbang king Kapampangan) bang gawal panangab a w:biodiesel king India ampo kareng aliwang bansa. Bubulalag de iti kareng dakal a bansang Third World. [1]. Pupulayi ya king 15 anggang 20 porcientung w:biodiesel ing linya ning tren king pilatan ning Mumbai ampong Delhi.
Agyu nang tumubu kareng e masanting a gabun ing tanaman a iti. Pataban na ing gabun nung nu ya tutubu, at makatapat (4x) karakal a laru ing bibye na king balang hectarea kesa king soybean, at makatapulu (10x) kesa king mais. Miraras 1,892 a litru ing malyaring akwang larung jatropha king metung a hectarea.
Malyari yang itanam ing jatropha kayabe la reng aliwang tanam a matas alaga (cash crops) antimo reng café, atbu, bunga o prutas ampong gule.[2]
Deng Species
[mag-edit | alilan ya ing pikuwanan]Deni reng mapilan a species ampo ing karelang gamit:
- Jatropha cuneata limberbush:
Gagamitan da la reng tangke na niti king pamangawang basket deng lahing Seri king Sonora, Mexico, at haat [ʔaat] ing aus da kaniti. Nanangdang, babangalan at bababad do reti king metung a complicadung paralan. Ibat ya king aliwang tanaman, ing Krameria grayi, ing malutu-lutung panguleng gagamitan da kaniti, at e keti.
- Jatropha curcas (galumbang king Kapampangan, tuba-tuba kareng aliwang amanu king Filipinas, physic nut king Ingles):
Gagamitan ya iti bang gawang laru ning jatropha, a gagamitan bang gawang candila ampng sabun, ampong sangkap king pamangawang biodiesel. Malyari lang gamitan kareng digester ampong gasifier deng “cake” a mitagan kaybat nang meyapsal ning laru. Malyaring gamitan iti king pamangawang biogas king pamaglutu ampo kareng makina, antimong abonu, ampong pamangan animal. O kaya naman, malyari yang gamitan ing mabilug a butul (a maki laru) kareng digester bang gawang biogas. Pepakit da reng talasaliksik a ating sangkap ibat kaniting tatalab laban kareng tumor. Malyaring la panulu kareng magkasakit pamagbawas deng butul na niti. Malyari yang paglanggas sugat ing agta na niti, at pabukal da no man deng bulung at gagamitan dong panulu king malaria ampong lagnat deng bulung a pepabuka.
- Jatropha gossypifolia, a mayayaus muring bellyache bush:
Makalasun la kareng tau ampong animal deng kayang bunga ampong bulung. Metung yang manimunang dikut a prublema king Australia.
- Jatropha integerrima Jacq., o Spicy jatropha:
Gagamitan yang panagaula (ornamental) kareng lugal a mangapali (tropics). Atin yang misnang kalutung sampaga alus king mabilug a banwa.
- Jatropha multifida L., o coral plant:
Maki sampaga yang masigla pangalutu, antimong malutung coral, at bulung a malalam “pangagili” (strongly incised)
Gagamitan ya king pamag-tan king balat (leather) ampo king pamangawa king malutung panguleng gagamitan da king Mexico ampo king Mawli Albugan ning America (Southwestern United States). Tatanam de murin kareng bale.
![](http://178.128.105.246/host-http-upload.wikimedia.org/wikipedia/commons/thumb/4/43/Jatropha4.jpg/250px-Jatropha4.jpg)
Aliwa pang lagyu
[mag-edit | alilan ya ing pikuwanan]Ing genus a iti awsan de muring:
- Adenorhopium Rchb.
- Adenoropium Pohl
- Castiglionia Ruiz & Pav.
- Collenucia Chiov.
- Curcas Adans.
- Jatropa Scop., orth. var.
- Loureira Cav.
- Mesandrinia Raf.
- Mesandrinia Ortega
- Tempate El Salvador
- Zimapania Engl. & Pax
Pikwanan
[mag-edit | alilan ya ing pikuwanan]- ↑ Archive copy. Archived from the original on 2009-04-10. Retrieved on 2007-07-18.
- ↑ Jatropha for biodiesel
Lon la murin deti
[mag-edit | alilan ya ing pikuwanan]Suglung a palwal
[mag-edit | alilan ya ing pikuwanan]Mapalyaring deng suglung palwal (external links) e la tutuki kareng patakaran na kareng kalamnan o tuntunan ning Wikipedia. Pakisamasan me ining artikulu kapamilatan ning pamaglako kareng sobra o e karapatdapat a suglung. (July 2007) |
- Jatropha plantation from 'Soil to Oil' Archived Agostu 26, 2007 at the Wayback Machine
- Jatropha Facts and Figures
- An Integrated Approach of Rural Development in Tropical & Subtropical Countries.
- The worldwide online Jatropha Portal
- Jatropha plantation to offset your carbon footprint while reducing poverty Archived Juliu 3, 2007 at the Wayback Machine.
![](http://178.128.105.246/host-http-upload.wikimedia.org/wikipedia/commons/thumb/4/4a/Commons-logo.svg/50px-Commons-logo.svg.png)