Hemayel Martina
| Pais di nashonalidat | Reino Hulandes  |
|---|---|
| Fam | Martina |
| Fecha di nasementu | 24 òktober 1990 |
| Fecha di fayesimentu | 29 yanüari 2011 |
| Okupashon | poeta |
Hemayel Michael Anthony Martina (☆ 24 di òktober 1990 - † 29 di yanüari 2011 na Kòrsou) tabata un poeta di Kòrsou. Durante su bida kortiko su talento komo poeta i pensamentunan spiritual tabata un simbolo i ehempel pa e generashon di hóbennan na Kòrsou.[1]
Biografia[editá | editá fuente]
Durante su estudio na International School of Curaçao, Martina di 17 aña a kuminsá skirbi poema dirigí na hóbennan. Tres aña despues a publiká un kolekshon di 39 poema den e buki titulá: Ansestro Preokupá Sosegá / Worried Ancestor Rest in Peace. Kada poema a aparesé banda di otro na papiamentu i ingles. E poemanan ta explorá polítika, músika, deporte i diferente personahe ku a hasi kontribushon importante na Kòrsou, manera René Römer, Angel Job, Maria Boskaljon i Efraïn Jonckheer.[2][3][4] Nan tabata un himno di alabanza pa e isla i su hendenan, pero sin resortá na nashonalismo siegu. Martina tabata rekonosé e diversidat di Kòrsou, sin laga afó su herensia afrokurasoleño.[1]
Despues di a biba pa un tempu na Leiden, Hulanda, i a sigui su edukashon universitario na Webster University na Leiden,[5] el a bishitá Kòrsou huntu ku e músiko i amigu Levi Silvanie. Huntu nan a organisá un anochi di poesia i músika na televishon lokal[6] i a presentá na diferente lugá kombinando poesia di Martina ku e músika di Silvanie.[7] Tambe el a hasi un gira pa Sur Afrika na desèmber 2010.[8]
Dia 29 di yanüari 2011, na edat di 20 aña durante un gira na Kòrsou, Martina a fayesé trágikamente di heridanan ku el a sufri den un aksidente di outo. El a ser dera na Kòrsou.[9]
Despues di su fayesementu a funda Fundashon Hemayel M.A. Martina, dediká na keda inspirá i empoderá e hubentut di Kòrsou pa ta kontribuidónan aktivo na desaroyo di nan sosiedat. Na april 2021 e konkurso Arte di Palabra di e islanan ABC a wòrdu dediká na Hemayel Martina.[10] Póstumo a sali publiká Na mi manera, un di dos kolekshon di poema.
Obra[editá | editá fuente]
- 2010 - Ansestro Preokupá Sosegá / Worried Ancestor Rest in Peace
- Na mi manera