Architetura neolìtica
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
![]() ![]() Ij pòpoj neolìtich dël Levant Mediterani, Siria, Anatòlia, nòrd ëd Mesopotamia e Asia sentral a l'ero 'd grand costrutor ch'a dovravo dij mon ëd pàuta për batì 'd cà e 'd vilage. A Çatalhöyük le cà a l'ero tirà su e piturà con ëd sene elaborà d'uman e animaj. An Euròpa le cà longhe neolìtiche a l'ero costruìe con paloch e pàuta. Ëd tombe complësse a l'ero 'dcò costruìe. Dë ste tombe a-i na j'era vàire an Irlanda, anté ch'ai në resto ancor na senten-a. La gent neolìtica a l'ha batì sj'ìsole britàniche 'd longh baron, ëd tombe-stansie për soe sepolture, sòj fossaj riaussà, soe min-e 'd pera për j'henge e sòj monument an cursus. Ij prim poss d'eva neolìtich dla Coltura dla siràmica linear a son stàit trovà ant l'Almagna sentral vzin a Lipsia. Ste costrussion a son batìe an bòsch anchërnà e a son stàite datà fra 'l 5200 e 'l 5100 aGC. [1] Ij Megalita trovà an Euròpa e dantorn ël Mediterani a son 'dcò stàit tirà su dël perìod neolìtich. Sti monument a comprendo sia 'd tombe megalìtiche, sia 'd templi e struture a but dësconossù, maraman religios o astronòmich. Ël pì vej templi megalìtich conossù a l'é Ggantija a Gozo. Le palafite neolìtiche a son ëstàite dëssotrà an Svessia a Alvastra e ant la zòna tut dantorn a j'Alp, con le reste dëscoatà ai lagh Mondsee e Attersee an Àuta Àustria. Ij prim archeòlogh 'me Ferdinand Keller a pensavo ch'a fusso d'ìsole artifissaj che la gent prestòrica a l'avìa formà, 'me a l'é capità con ij Crannog scossèis, ma ancheuj a l'é ciàir che la pì part dij sit a l'era batì sle rive dij lagh e mach apress a son stàit inondà. Ëd palafite arcostruìe a son mostrà a Zurigh ant ël musé al duvert d'Unteruhldingen (Pfahlbauland). Ant ij sit neolìtich romen, moldav e ucrain a-i ero dë struture ëd paloch e pàuta con coercc ëd paja e pian fàit con ëd tronch coatà 'd crea. A l'é ant ës moment-sì ch'a l'é 'dcò dësvlupasse la strutura dla cà burdei[2], ancor dovrà dai romen e da j'ucrain dël sécol ch'a fa XX. ![]() Ij pì amportant sit archeològich neolìtich a son:
Lese 'dcò[modìfica | modifiché la sorgiss]Nòte[modìfica | modifiché la sorgiss]
Anliure Esteriore[modìfica | modifiché la sorgiss] |