Eusebio di Vercelli
Articulu in campidanesu
Eusèbiu | |
pìscopu de sa Crésia Catòlica | |
![]() | |
![]() | |
Tìtulu: | pìscopu de Vercelli |
Eusèbiu (Eusebius in latinu; Casteddu?, 283 - Vercelli, 1 de austu 371) est stau unu pìscopu catòlicu sardu, primu pìscopu de Vercelli. Est venerau a santu de sa Crésia catòlica.
Agiografia
[modìfica | modìfica su còdighe de orìgine]Est nàsciu in Sardigna, fortzis in Casteddu, in su 283 circa; su connotu si contat chi sa mama sua fiat Restituta. Ordinau satzerdotu in Roma de papa Marcu, su 15 de mes'e idas est arricit s'ordinatzioni obispali de papa Giùliu I, e nominau pìscopu de Vercelli.
Ministèriu obispali
[modìfica | modìfica su còdighe de orìgine]Intra is primu novas de su ministèriu obispali suu, s'arregordat una lìtera de santu Ambrosu in chi Eusèbiu est elogiau. At difesu sa fidi catòlica contra a is arianus, sustenendi su sìmbulu nicenu. Paris cun Lucìferu de Casteddu, est mandau de papa Libèriu a s'imperadori Costantzu II po acabai su certu cun is arianus. Si decidit po sa celebratzioni de unu Concìliu in Milanu, chi perou est a majoria ariana.
Costantzu disterrat Eusèbiu in Terra Santa, apustis in Capadòcia e afinas in sa Tebàide. Su sighidori de Costantzu, s'imperadori Giulianu, acabat su disterru e permitit a Eusèbiu de torrai in sa diòcesi cosa sua. Inguni bortat sa sa devotzioni a sa Madonna Niedda, fundendi su santuàriu de Oropa. Posca at partetzipadu a su Concìliu diocesanu in Alessandria.
Si morit in Vercelli su 1 de austu 371.
Cultu
[modìfica | modìfica su còdighe de orìgine]Santu Eusèbiu est celebrau cun arregordu facultativu su 2 de austu. Ainnantis de su Concìliu Vaticanu II, fiat arregordau su 16 de mes'e idas. S'arregordu cosa sua est mandatòriu in is diòcesis de Sardìnnia. Est patronu de sa regioni eclesiàstica de Piemonti e de sa citadi de Vercelli.