Kapinis
Kapinis | |
---|---|
![]() | |
Mébérkeun jangjangna. | |
Status konservasi | |
Klasifikasi ilmiah | |
Karajaan: | |
Filum: | |
Kelas: | |
Ordo: | |
Kulawarga: | |
Génus: | |
Spésiés: | A. affinis
|
Ngaran binomial | |
Apus affinis (JE Gray, 1830)
| |
![]() | |
Citakan:Legend0 Citakan:Legend0[2] |
Kapinis ; basa latin (Apus affinis) nyaéta manuk leutik tina kulawarga (Apodidae) hiberna gancang bisa nepika 110 km/jam, loba kapanggih hirup tur nyebar diwewengkon nagara Afrika jeung Asia, jangjangna kawilang panjang dibandingkeun jeung awakna mangsana keur hiber jang-jangna mébér melengkung kawas bulan sapasi, kahakanana sabangsaning gegeremet atawa gegeremet leutik [3].[4]
![](http://178.128.105.246/host-http-upload.wikimedia.org/wikipedia/commons/thumb/f/f1/Apus_affinis_galilejensis_MHNT_ZOO_2011_11_189_RdN_Guin%C3%A9e-Bissau.jpg/220px-Apus_affinis_galilejensis_MHNT_ZOO_2011_11_189_RdN_Guin%C3%A9e-Bissau.jpg)
![](http://178.128.105.246/host-http-upload.wikimedia.org/wikipedia/commons/thumb/4/44/House_Swift_I2_filtered.jpg/220px-House_Swift_I2_filtered.jpg)
Pedaran
[édit | édit sumber]Ciri mandiri
[édit | édit sumber]Kapinis sukuna pondok jeung leutik, ku lantaran ieu kapinis tara eunteup dina luhureun taneuh, umpama eunteup nyengceling ditempat luhur jeung rumpil, kapinis nyayang jeung baranahan biasana di jero suhunan gedong sakola, gudang, biwir guha[5], gawir anu nangtawing, jeung wangunan séjén anu henteu pati ramé atawa henteu kagiridig jalma réa[6][7]. Ngendog hiji nepi ka opat siki dina sakali anakan.[8][9]
Pangawakan
[édit | édit sumber]Kapinis kawilang leutik beurat awakna 18 nepika 30 gram, panjangna awakna 12 - 13.5 cm tur lébar jangjang mangsana mébér panjangna 33 nepika 42 cm, buluna hideung meles aya ogé bulu bodas saeutik palebah bujurna. Buntutna pondok jeung tungtungna rata (henteu nyagak)[10]. Saméméhna kapinis kaasup tina runtuyan spesies (A.a. nipalesnis) ku lantaran pangawakan sarimbag jeung ( A. nipalensis )[11]. Kapinis dina enggoning hirupna loba méakeun waktuna di handap (hiber) kakalayangan bari macok sasatoan leutik anu kaparengan papaliwat.
Pondok suku
[édit | édit sumber]Saluyu jeung ngarana, Apus asalna tina basa Yunani Apous anu pihartieuna euweuh sukuan, kapinis mah tara katembong sukuna ku lantaran kacida pondok, suku kapinis ngan dipaké nyepeng/eunteup dina pangeunteupan anu nanjeur ka luhur (vertikal) tara katenpo eunteup dina taneuh.[12]
Malahan mah kapinis henteu bisa hiber deui umpama murag kana taneuh, ku lantaran jangjangna panjang tur melengkung kawas arit. di mana kaparengkeun kapinis nepika murag kana taneuh biasana tinemu paéh kalaparan atawa di hakan sato séjén.[13]
Béda kapinis jeung walét
[édit | édit sumber]Sanajan kapinis jeung walét pangawakana sarimbag, komo ditempo ker hiber tikajauhan, ku lantaran walét jeung kapinis kagolongkeun manuk anu resep hiber jeung ngakan gegeremet/gegeremet. Ditempo tina kulargana walét mah kaasup kana Apodidae, sukuna anu leuleus henteu bisa nahan awakna mangsa eunteup ngan walét mah kuat hiber sapoé jeput. Kapinismah kaasup kana kulawarga Hirudinidae nyaéta mibanda suku anu leuwih kuat tur bisa eunteup rada lila dina gawir batu atawa tempat séjén anu najeur ka luhur, sakapeung kapinis katempo eunteup dina suhunan imah, kabel, jeung dahan anu negrak.[14]
Tempat hirup
[édit | édit sumber]Kapinis mikaresep daérah anu negrak : kebon, tegalan,[5] loba kapanggih hirup ngabring di sabaraha nagara : laut atlantik Maroko, Aljazair jeung Tunisia, nagara belah wetana saperti : Turki jeung israél aya ogé kapanggih hirup di basisir Chipiona, Andalusia [15]
Di uarang kapinis loba hirup di gedong-gedong jangkung di Jakarta umpamana kapinis katempo pating suliwer hiber disabudeureun Gelora Bung Karno, Blok M, Jalan Dewi Sartika, RS Pertamina, jeung Muara Angké. Di Bogor, di kampus IPB Dramaga loba ngadon hirup jeung baranahan [12] Di Semarang loba kapanggih hirup diwewengkon anu baseuh : Sekaran, Gunungpati, Rawapening, Sungai Tuntang [5]
Dicutat tina
[édit | édit sumber]- ↑ BirdLife International (2012). "Apus affinis". IUCN Red List of Threatened Species. Version 2013.2. International Union for Conservation of Nature. Diakses tanggal 26 November 2013.
- ↑ Phil Chantler & Gerald Driessens (2000). A Guide to the Swifts and Tree Swifts of the World. Pica Press. ISBN 1-873403-83-6.
- ↑ Kapinis hiberna gancang
- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ a b c Tempat hirup Kapinis Archived 2016-10-16 di Wayback Machine
- ↑ Horvath G (1912). "Revision of the American Cimicidae". Ann. Hist. Nat. Mus. Hungary 10: 257–262.
- ↑ Hicks, Ellis A (1959). Checklist and bibliography on the occurrence of insects in birds' nests. Iowa State College Press, Ames.
- ↑ Jobling, James A (2010). The Helm Dictionary of Scientific Bird Names. London: Christopher Helm. pp. 35, 52. ISBN 978-1-4081-2501-4.
- ↑ {{BirdLife International (2013) Species factsheet: Apus affinis. Downloaded from http://www.birdlife.org on 13/10/2013. Recommended citation for factsheets for more than one species: BirdLife International (2013) IUCN Red List for birds. Downloaded from http://www.birdlife.org on 13/10/2013. }}
- ↑ Mullarny, K. et al., 1999. ANWB Vogelgids van Europa, Tirion, Baarn. ISBN 90-18-01212-2
- ↑ Howard and Moore Complete Checklist of the Birds of the World, 1993
- ↑ a b Kapinis tara eunteup dina taneuh
- ↑ Kapinis teubisa hiber di taneuh
- ↑ Beda kapinis jeung walet
- ↑ Rare Birds in Spain: Little Swift Apus Affinis. Abgerufen am 29. April 2014
Tutumbu kaluar
[édit | édit sumber]- Little swift - Species text in The Atlas of Southern African Birds.
- https://books.google.co.id/books?id=4CI6AAAAIAAJ&q=kapinis&dq=kapinis&hl=id&sa=X&ved=0ahUKEwiD2duChsDOAhVMpY8KHW_WAJE4ChDoAQgZMAA [Kapinis Papua]
- Manuk Kapinis dina sisindiran Sunda
- Kapinis dina hiji carpon
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Média nu patali jeung Apus affinis di Wikimedia Commons