Noel Gallagher
![](http://178.128.105.246/host-http-upload.wikimedia.org/wikipedia/commons/thumb/0/04/Noel_Gallagher_playing_Champagne_Supernova.jpg/230px-Noel_Gallagher_playing_Champagne_Supernova.jpg)
Noel Gallagher anu boga ngaran lengkep Noel Thomas David Gallagher (gumelar 29 Méi 1967-ayeuna) nyaéta penyanyi jeung penulis lagu, lian ti éta, Noel kasohor salaku gitaris grup musik Oasis[1].Noel nyaéta lanceukna Liam Gallagher, vokalis Oasis[1]. Lalaki anu gumelar di Longsight, Mancherster, Inggris ieu mulai maén gitar ti umur 13 taun sacara otodidak[2]. Noel pernah ngalaman kacelakaan anu ngabalukarkeun suku katuhuna cidera terus teu meunang gawé beurat, tapi ieu hal dipaké pikeun latihan gitar jeung nulis lagu ku Noel[2]. Noel nikah jeung Meg Mathews taun 1997, nalika manéhna keur nyiapkeun album Be Here Now, tapi ahirna mah cerai bulan Januari 2001 sabab aya awéwé séjén dina kahirupan Noel[1]. Lalaki anu resep kana sepak bola ieu ngajalin hubungan jeung awéwé asal Skotlandia, Sara MacDonald, tina ieu hubungan, Noel boga anak nu kadua[1].
Taun 1998, Noel ngiluan audisi pikeun jadi personil grup musik Inspiral Carpets tapi gagal, terus manéhna asup jadi personil Oasis jeung lanceukna, Liam Gallagher (vokal), Paul McGuigan (bass), Tony McCarroll (drum), jeung Paul Arthurs (gitar)[2]. Noel geus méré kontribusi anu gédé dina penulisan katut garapan lagu-lagu Oasis, di antarana: Definitely Maybe, (What's the Story) Morning Glory?, Be Here Now Standing on the Shoulder of Giants, Heathen Chemistry, Don't Believe the Truth, Oasis Studio Album VII dan juga album kompilasi The Masterplan jeung Stop the Clocks[1].
Sabada Oasis bubar, ahirna Noel balik deui ka panggung salaku penyanyi solo[3]. Konser perdana jeung grup musik nu mirigna High Flying Birds ieu dilaksanakeun di Dublin tanggal 23 Oktober 2011[3]. Noel mawakeun 20 lagu anu hampir sakabéhna materi anyar kaasup 9 lagu Oasis[3].
Référénsi
[édit | édit sumber]- ↑ a b c d e Profil Noel Gallagher (diaksés tanggal 12 Nopémber 2011)
- ↑ a b c (en)Noel Gallagher-Starpulse.com Archived 2011-06-11 di Wayback Machine (diaksés tanggal 12 Nopémber 2011)
- ↑ a b c Berita Konsér Perdana Noel Gallagher (diaksés tanggal 12 Nopémber 2011)
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
- Webarchive template wayback links
- Wikipedia articles with VIAF identifiers
- Wikipedia articles with LCCN identifiers
- Wikipedia articles with ISNI identifiers
- Wikipedia articles with GND identifiers
- Wikipedia articles with BNF identifiers
- Wikipedia articles with BIBSYS identifiers
- Wikipedia articles with MusicBrainz identifiers
- Wikipedia articles with faulty authority control identifiers (SBN)
- Oasis
- Gumelar 1967
- Musisi Inggris