Giografia del Lesotho
![](http://178.128.105.246/host-http-upload.wikimedia.org/wikipedia/commons/thumb/e/eb/Map_Lesotho_SRTM.png/350px-Map_Lesotho_SRTM.png)
El Lesotho el xe on paexe de l’Africa del Sud. El Lesotho el xe totalmente montagnoso (l’altitudine minima la xe de 1400 metri sul livel del mar), senza sbochi al mar, e el confina solo che col Sudafrica di cui el xe n’enclave. El Lesotho el ga n’estension de 30 355 km².
Morfołozia
[canbia | canbia el còdaxe]![Sitá de Roma, in Lesotho](http://178.128.105.246/host-http-upload.wikimedia.org/wikipedia/commons/thumb/6/63/Roma_Lesotho.jpg/250px-Roma_Lesotho.jpg)
El Lesotho el pol esar divixo in tri rejoni ziogràfeghe:
- le pianure, longo la riva sud del fiume Caledon, e inte la val del Senqu;
- i altopiani rente de i monti Drakensberg e Maloti, che i cuerse quasi tuto el paexe.
- le coline tra pianure e i altopiani.
Aque
[canbia | canbia el còdaxe]El Lesotho nol ga laghi de inportanza, ma el ga fiumi che i xe la risorsa naturale pi inportante del paexe. El Fiume Orange el nase da i Drakensberg e el traversa tuto el paexe prima de entrar in Sudafrica. I altri fiumi i xe el Caledon, el Malibamatso, el Matsoku e el Senqunyane. I fiumi i parmete la produsion de energia idroeletrica, che la xe venduda al Sudafrica.
Clima
[canbia | canbia el còdaxe]El clima el xe continetale, co tenperature invernali base (-7 °C inte le pianure e -18 °C sui altipiani). D’istá, la tenperatura ne la parte pi basa del paexe la pol rivar a 30 gradi. La piova la va da 600 mm anui nei presi de la cavedal, a 1200 mm al nord. Le grandi piove le xe da otobre a aprile.
Risorse naturali
[canbia | canbia el còdaxe]El Lesotho nol ga grandi risorse naturali. L’aqua la xe venduda al Sudafrica. A livel minerario se cata: carbon, galena, quarso, e uranio.
Zeografia pułìtega
[canbia | canbia el còdaxe]![](http://178.128.105.246/host-http-upload.wikimedia.org/wikipedia/commons/thumb/7/7e/Districts_of_Lesotho.png/220px-Districts_of_Lesotho.png)
El Lesotho el xe divixo in 10 distreti aministrativi, tuti co la so cavedal, ciamada camptown. I distreti i xe ivixi in 80 circoscrisioni.
Distreti (in ordine alfabetico):
- Distreto de Berea
- Distreto de Butha-Buthe
- Distreto de Leribe
- Distreto de Mafeteng
- Distreto de Maseru
- Distreto de Mohale's Hoek
- Distreto de Mokhotlong
- Distreto de Qacha's Nek
- Distreto de Quthing
- Distreto de Thaba-Tseka
Dati generali
[canbia | canbia el còdaxe]Area totale: 30 355 km²
Totale frontiere terestri: 909 km
Elevasioni estreme:
Punto pi alto: Thabana Ntlenyana 3 482 m
Punto pi basso: Confluenza del fiume Orange co el fiume Makhaleng a 1 400 m
Wikimedia Commons el detien imàjini o altri file so Giografia del Lesotho