Kerav
Lidnanznam![]() | |
Valdkund | Suomenma |
Eläjiden lugu (2018-12-31) | 36,279 ristitud |
Pind | 30,79 km² |
![]() | |
Pämez' | Kirsi Rontu (kezaku 2016—) |
Telefonkod | +358- |
Aigvö | tal'vel UTC+2, kezal UTC+3 |
Kerav (suom.: Kerava [ˈkerɑʋɑ], roč.: Kervo) om Suomenman lidn valdkundan suves. Se sijadase Udenma-agjan keskuzpalas, valdkundan 31. lidn eläjiden lugun mödhe.
Istorii
[vajehta | vajehtada lähtetekst]Üläkerav- (suom.: Ylikerava) i Alakerav-küläd oliba olmas lidnan sijas 1440-nziš vozišpäi, mülütihe Sipoon tulendha. Vspäi 1643 Kerav-külä mülüi Tuusulan tulendha. Vl 1862 «Hel'sinki — Hämenlidn»-raudtekeskust läbiti küläd i vedi tegimišton edheotandoid. Keravan municipalitetan aluz om pandud vl 1924 erigoitmižel Tuusulan municipalitetaspäi, se voz' znamoičese lidnan alusenpanendan vodeks. Vspäi 1954 municipalitetan pind kadoti nelländest, sen suvipala sijadase Vantaa-lidnas nügüd'. Vl 1970 kätihe Keravad täudeks lidnaks (suom. kaupunki).
Kerav šingotase industrijaližil parkoil, saudihe niid lidnan päivnouzmas, E75-avtotrassan taga. Pästtas söndtavaroid (olud), tekstilid, metalltegesid (keitimpolen mašiništ — «Metos») i meblid, logistine keskuz.
Geografijan andmused
[vajehta | vajehtada lähtetekst]![](http://178.128.105.246/host-http-upload.wikimedia.org/wikipedia/commons/thumb/3/39/Keravan_kartta.png/250px-Keravan_kartta.png)
Lidn sijadase Sur' Hel'sinki-regionan päivnouzmas. Keravanjogi (suom.: Keravanjoki 65 km pitte, Vantaa-jogen hura ližajogi, Suomen lahten bassein) läbitab lidnan päivnouzmašt palad. Matkad Tuusulanjärven (5,9 km²) suvižhe randhasai om viž kilometrad päivlaskmha lidnan keskusespäi, Järvenpää-lidnhasai om 5 km pohjoižhe, Hel'sinkihesai — 20 km suvhe avtotel vai raudtedme. Röunatab Tuusulan külämunicipalitetanke päivlaskmas i pohjoižes, Sipoon municipalitetanke päivnouzmas, Vantaa-lidnanke suves. Rahvahidenkeskeine Hel'sinki-Vantaa-lendimport om saudud 12 km suvipäivlaskmha.
Vl 2019 lidnan ühthine pind oli 30,79 km², sidä kesken kuivma 30,63 nellikkilometrad, sokaz ma 0,16 km².
Tobmuz
[vajehta | vajehtada lähtetekst]Kerav jagase 11 nimitadud lidnrajonaks (äilugu suom.: kaupunginosat).
Petri Härkönen radoi lidnan edeližen pämehen vll 2010−2016.
Eläjad
[vajehta | vajehtada lähtetekst]Vl 1980 lidnan eläjiden lugu oli 23 851 ristitud, vl 2016 — 35 511 ristitud. Kaikiš suremb lidnan ristitišt om nügüd'. Lidn om Suren Hel'sinkin magaduzrajonaks, i sen ristitišt ližadub kaikuččel vodel.
Vn 2016 andmusiden mödhe, suomen kel' oli mamankeleks 89,6 % täht lidnalaižišpäi, ročin kel' — 1,2 %, toižed keled — 9,2 %. Vspäi 1953 suomen kel' om kundan üks'jäižeks oficialižeks.
Galerei
[vajehta | vajehtada lähtetekst]-
Keskuzrajon lidnan ohjastusen pertinke (avar kaks'žiruine, 2005)
-
Keravan lüteranine jumalanpert' (vspäi 1963), vn 2008 nägu
-
Oludentegim (viluku 2009)
-
Teatran sauvuz (2008, radab vspäi 1996)
-
Kerav-päraudtestancii vl 2007
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]- Lidnan oficialine sait (kerava.fi) (suom.) i informacii lidnas toižil kelil. (ven.) (roč.) (angl.)
![]() |
Kerav Vikiaitas |