Dimorphodon
iDimorphodon
Timäd fösilik: Early Jurassic
| ||||||||||||||
---|---|---|---|---|---|---|---|---|---|---|---|---|---|---|
![]() | ||||||||||||||
Edadeadöl (fösil)
| ||||||||||||||
Dadiläd nolavik | ||||||||||||||
| ||||||||||||||
Species
| ||||||||||||||
|
Elaf Dimorphodon („tuts labü foms tel“) äbinon pterosaur gretota zänodik primü Yurat, bü yels 200-180-balions. Pänemon fa fösilavan: Richard Owen ün 1859. Nem onik tefon jenöfoti, das älabon tutis patedas tel pö maxüls okik, kelos binon seledik bevü räptuls. Fösils petuvons in Linglän. Jiel Mary Anning (1799-1847) äbinon famik sekü tüv fösila bal ela Dimorphodon (D. macronyx) in Lyme Regis, Dorset, Regän Pebalöl. Topäd at in Linglän duton anu lü Volagerotatops, ön nem: Jurassic Coast (Jol Yuratik).
![](http://178.128.105.246/host-http-upload.wikimedia.org/wikipedia/commons/thumb/e/ec/Dimorphodon.jpg/210px-Dimorphodon.jpg)
El Dimorphodon älabon lunoti meta bal e flitämatenoti metas 1,2. Ya peblöfädos, das el Dimorphodon äbinon telfutaf, do futaretods fösilik pterosauras votik jonons goli folfutik su glun. Tuts e maxüls onik tikodükons, das, äs pterosaurs mödikün, äfidon fitis, do brefabüo nog pämobos, das äyagon länanimis smalik. Däsinans mödikün givons one „honedi“ brefik, sümiki ad ut bödas famüla: Alcidae. Cedü fösilavan: David Unwin, el Dimorphodon binon pterosaur primöfikün, kelosi kop klöpik ya tikodükon: pterosaurs ävolfölum älabons krästis.
Ün 1998, hiel James Clark äbepenom bidi valid: D. weintraubi stabü fösils se Mäxikän (pänemöl stimü hiel Robert Weintraub): jot, brad e fut nedetiks. Fut no sümon ad ut bida votik: D. macronyx e tikodükon, cedü el Clark, das nim at äbinon telfutaf. Dots gretik ye nog dabinons, va fösils at jenöfo dutons lü el Dimorphodon, u ba lü el genus votik.
Yüms plödik
[redakön • redakön fonäti]- El Dimorphodon macronyx at the Pterosaur Database