函馆市
外观
![](http://178.128.105.246/host-http-upload.wikimedia.org/wikipedia/commons/thumb/6/69/Hakodate_montage.jpg/250px-Hakodate_montage.jpg)
上左:五棱郭、上右:函馆正教会、中:函馆山夜景 左下:五稜郭塔、右下:元町八幡坂同函馆港
![](http://178.128.105.246/host-http-upload.wikimedia.org/wikipedia/commons/thumb/a/ab/Hakodate_in_Hokkaido_Prefecture_Ja.svg/250px-Hakodate_in_Hokkaido_Prefecture_Ja.svg.png)
函馆市(日文:函館市/はこだてし Hakodate shi),旧称箱馆,是一个垃拉日本北海道南部(道南)渡岛半岛东南龟田半岛上个沿海城市,也是道南个中心城市。渠个东、南、西方分别被太平洋、津轻海峡搭函馆湾包围,现在是中核市。函馆是北海道人口第三多个城市,排拉札幌市搭旭川市后头,是道南区域个行政、经济、文化中心,也是北海道政府个派出机关渡岛综合振兴局个办公室个地方。
函馆三面是海,自古以来就是优良渔港,渔业同水产加工业一直是当地个主要产业之一,乌贼是箇面有代表性个特产。函馆港是天然良港,也是连接北海道同本州岛个交通节点,还是日本顶顶早同外国通商个港口之一,带来交关史迹,故咾函馆市从2014年开始连续三年排拉日本最具魅力市町村排行榜第一名[1]。
市名个由来
[编辑]函馆箇個地名同北海道个大部分地名弗大一样,并弗是从阿伊努语来个。室町时代,1454年(享德3年),津轻豪族河野政通勒拉当时叫“宇须岸”(ウスケシ(us-kes)或者ウショロケシ(us-oro-kes),阿伊努語个意思是「湾岸个尽头」)个小渔村造宅邸。因为箇個宅邸长唻像箱子,故咾叫伊“箱馆”(同“函馆”日语发音一样)作地名[2]。1869年,虾夷地改名成北海道,“箱馆”也改成“函馆”[2]。
必过也有认为箇個名字同北海道大多数地名一样,是从阿伊努语来个,认为是从“hak-casi”(浅篱笆)箇個词变化过来个[3]。