線上公用目錄

線上公用目錄（英文：OPAC，英文讀音：/ˈou.pæk/，全寫 online public access catalogue）指用來畀圖書館用家搵書用嘅電腦化圖書館目錄；即係其實係一種記錄圖書館館藏嘅數據庫系統^[1]，好多時就算數據庫入面唔係真係用機讀格式，都可以顯示機讀格式。

所謂線上並唔一定係指互聯網，只要目錄係透過電腦終端（其實即係某種用家介面，唔一定係指終端機）嚟畀人用，就算係線上公用目錄^[2]^:8。

線上公用目錄有好多好處，例如用家有唔同嘅方法搵嘢，唔係局限於作者名或者分類，又或者可以提供一啲有用嘅額外資訊，例如本書係咪被人借咗，又或者可以搵到第間圖書館嘅嘢，等等^[2]^:11。