Caballo (mitolochía)
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://178.128.105.246/cars-http-upload.wikimedia.org/wikipedia/commons/thumb/0/09/Wildpferde_Tripsdrill.jpg/280px-Wildpferde_Tripsdrill.jpg)
Lo caballo ye un animal caracteristico de las mitolochías de pueblos indoeuropeus, turquicos y mongols. I apareixe con simbolochías solars, como caballos que tiban d'un carro que leva lo sol ("carro solar", u con simbolochías funerarias, como caballos que levan a os muertos ta lo mes allá. La simbolochía funeraria de lo caballo ye derivata de la simbolochía solar, pus lo caballo solar se leva lo sol ta un puesto escuro de l'ueste on remata lo día.
Las mitolochías pirenencas han heredato de las mitolochías de los pueblos indoeuropeus lo papel mes que mes funerario u psicopompo, a traviés de los pueblos portadors de los Campos d'Urnas de la Edat de Bronce, y los Ibers y Celtas de la Edat de Fierro.
En a mitolochía aragonesa
[editar | modificar o codigo]![](http://178.128.105.246/cars-http-upload.wikimedia.org/wikipedia/commons/thumb/e/e0/Biandintz_eta_zaldiak.jpg/280px-Biandintz_eta_zaldiak.jpg)
En los garrastolendas aragoneses bi ha un personache conoixito como Caballet, un hombre que encaixa en la suya cintura un caballo d'esparto u cartón.
Rafael Andolz documenta en Moriello de Monclús la historia d'un caballo blanco y alato, visto en la falsa d'una casa voltando arredol.
Atland o encataire decretó que nomás se podría alcanzar lo Palacio Machico de lo Mont Perdito con un caballo alato.
En bels puestos de la Val d'Aragüés se charra d'un caballo con dos capezas tirando d'un carro cargato de trallos chigans. Una capeza ye de color blanca y l'atra negra, cadaguna preba de levar lo cuerpo ta un costato diferent.
En atros lugars de lo Pirineu ye mes estendita la creyencia en lo carro de las almas u de los muertos.
Lo caballo en la mitolochía basca
[editar | modificar o codigo]En los monts de Sola y Ultrapuertos cuan amaneix lo caballo sin capeza gosa estar un anuncio de la muerte. En las vals de lo Nibe, de lo Laurhibar, de lo torrent de Larrau, lo caballo sin capeza ye una de las cosas que mes temen los triballadors de la selva.
Lo caballo blanco u Zamaria Xuria se conoixe en las mugas de Zuberoa, Ultrapuertos y Navarra. A sobén ye por las vías de paso y de contrabando de caballos. La suya aparición anuncia la muerte proxima. En Guipuzcua lo Zamari Xuria ha preso la farcha d'un maniquí de caballo decorato con pelo y panollas y intervién en una danza folclorica.