Mora (mitolochía)
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre as Moras que son sers mitolochicos. Ta altros usos d'a palabra «Mora» se veiga Mora (desambigación).
![](http://178.128.105.246/cars-http-upload.wikimedia.org/wikipedia/commons/thumb/5/54/Mora_en_la_Basa_de_La_Mora.jpg/260px-Mora_en_la_Basa_de_La_Mora.jpg)
As moras, u donas d'aigua en Ribagorza, son seguntes a mitolochía pirenenca criaturas que viven en puestos a on bi ha augua como lacos, ríos u ibons.
Puestos de Moras en Aragón
[editar | modificar o codigo]Bi ha a-saber-los puestos en Aragón a on viven, manimenos ye prou dificil trobar-se una mora. Belunas nomás pueden veyer-se en nueiz de luna clara u atras como a Princesa d'a Basa de la Mora solo que en a maitinada de Sant Chuan.
Atra mora famosa ye a mora d'Aquilué, que se feba peinar por una viella d'o lugar con un peine d'oro y que viviba en a Espelunga d'o Forato. Pareixita ye a historia d'a mora de Rasal, que viviba en as espelungas d'iste lugar y que tamién se feba peinar toz os días por una viella de Casa Petrico. Iste mito d'as peinadoras de moras ye común en muitos puestos, como os anteriors u como a mora de l'Achar d'Alano.
Moras en atros puestos
[editar | modificar o codigo]En atros puestos d'o Pireneu, norte d'a Peninsula Iberica u Occitania, as moras son conoixitas con atros nombres. Asinas en Ariège trobamos un tipo de fada dita sarrasine (on reconoixemos clarament la traducción de "mora" por "sarracina"). En Catalunya son ditas dones d'aigua, en Occitania daunas d'ayga, en Auvernia dannes d'aigüe, en Asturias xanes, en o País Basco Mairuak u en Cantabria anjanas u mozas de agua.
Se veiga tamién
[editar | modificar o codigo]Biografía
[editar | modificar o codigo]- Pirineos Montañas profundas, Ricardo Mur, Ed. Pirineo. ISBN 84-87997-53-8