Benyamin İnqrosso
Benyamin İnqrosso | |
---|---|
isv. Benjamin Ingrosso | |
![]() Benyamin İnqrosso 2017-ci ildə | |
Ümumi məlumatlar | |
Doğum adı |
Benyamin Daniel Volqren İnqrosso isv. Benjamin Daniele Wahlgren Ingrosso |
Doğum tarixi | |
Doğum yeri | Danderüd, İsveç |
Vətəndaşlığı |
![]() |
Musiqiçi məlumatları | |
Fəaliyyəti | müğənni, bəstəkar |
Fəaliyyət illəri | 2006–h.h. |
Janr | |
Musiqi aləti | vokal |
Albom şirkəti | TEN |
benjaminingrossoofficial.com | |
![]() |
Benyamin Daniel Volqren İnqrosso (isv. Benjamin Daniele Wahlgren Ingrosso; d. 14 sentyabr 1997, Danderüd, İsveç) — İsveç müğənnisi və bəstəkarı. O, uşaq yaşlarında bir çox müzikllarda əsas rolları canlandırmışdır. 2006-cı ildə İsveçin uşaqlar üçün təşkil etdiyi Lilla Melodifestivalen mahnı yarışmasında "Hej Sofia" mahnısı ilə qələbə qazanmışdır. 2014-cü ildə İsveçin tanınmış simalarının iştirak etdiyi Let's Dance rəqs yarışmasında İnqrosso qalib gəlmişdir. 2017 və 2018-ci illərdə İsveçin ən böyük musiqi festivalı olan Melodifestivalendə iştirak etmişdir. 2018-ci ildə o, "Dance You Off" mahnısı ilə Melodifestivalendə qələbə qazanmışdır. Həmin mahnı ilə İnqrosso İsveçi 2018 Avroviziya Mahnı Müsabiqəsində təmsil etmiş və finalda 7-ci yeri tutmuşdur.
Həyatı
[redaktə | mənbəni redaktə et]Benyamin İnqrosso 14 sentyabr 1997-ci ildə İsveçin Danderüd şəhərində anadan olmuşdur. Onun italyan mənşəli atası Emilio İnqrosso keçmiş rəqqas və hal-hazırda restoran sahibi, anası Pernilla Volqren isə müğənnidir. Onun böyük qardaşı Oliver İnqrosso DJ, prodüser və bacısı Bianka Volqren İnqrosso isə müğənnidir. Onun həm də Teodor adlı da böyük qardaşı var. Benyamin İsveçin məşhur aktyorları Hans Volqren və Kristina Şollinin nəvəsidir. Swedish House Mafia qrupunun üzvü Sebastian İnqrosso da onun qohumudur.
Karyerası
[redaktə | mənbəni redaktə et]Benyamin İnqrosso uşaq yaşlarında bir çox müzikllarda əsas rolları canlandırmışdır. 2006-cı ildə İsveçin uşaqlar üçün təşkil etdiyi Lilla Melodifestivalen mahnı yarışmasında "Hej Sofia" mahnısı ilə iştirak etmiş və nəticədə qələbə qazanmışdır. Qalibiyyətin ardınca o, MGP Nordic 2006 mahnı yarışmasında İsveçi təmsil etmək hüququ əldə etmişdir. Stokholmda keçirilən yarışmada İnqrosso dördüncü yerə layiq görülmüşdür.
2007-ci ildə onun "Jag är en astronaut" adlı yeni sinqlı təqdim olunmuşdur. Mahnı İsveç hit paradlarında ilk üçlüyə yüksələ bilmişdir. Həmin ildə İnqrosso anası ilə birlikdə İsveçin Allsång på Skansen şousunda iştirak etmiş və daha sonra Diggiloo turunda yenidən anasını müşayiət etmişdir. 2008 və 2009-cu illərdə o Hujeda mej vá många sånger müziklında rol almışdır. 2009-cu ildə Benyamin və Pernilla Volqren The Jackson 5 qrupunun bir neçə mahnısını isveç dilində ifa etmişdirlər. Həmin ilin sonunda İnqrosso Rasmus på luffen müziklında Rasmus rolunu canlandırmışdır.
2011-ci ildə İnqrosso Karlsson på taket flyger igen müziklında rol almışdır. 2014-cü ildə o zamanını sırf oxumaq və mahnı bəstələməyə ayırmaq istədiyi üçün aktyorluq sahəsində fəaliyyətini dayandırdığını elan etmişdir. 2016-cı ilin oktyabr ayında ifaçının "Fall in Love" adlı debüt sinqlı təqdim olunmuşdur. Həmin mahnı ilə İnqrosso Nyhetsmorgon proqramında çıxış etmişdir. O daha sonra TEN albom şirkəti ilə anlaşma imzalamışdır.[1]
2014-cü ildə İsveçin tanınmış simalarının iştirak etdiyi Let's Dance rəqs yarışmasında İnqrosso da iştirak etmişdir. Yarışmada onu peşəkar rəqqasə Siqrid Bernson müşayiət etmişdir. Rəqs cütlüyü nəticə olaraq yarışmada qələbə qazanmışdır.
2016-cı ildən etibarən İnqrosso anasının rəhbərlik etdiyi Wahlgrens värld teleserialında iştirak edir. Teleserial məhz İnqrossonun ailəsi haqqındadır.[2]
Melodifestivalen və 2018 Avroviziya
[redaktə | mənbəni redaktə et]![](http://178.128.105.246/cars-http-upload.wikimedia.org/wikipedia/commons/thumb/4/4f/Benjamin_ingrosso.melodifestival2017.17d801.1100612.jpg/220px-Benjamin_ingrosso.melodifestival2017.17d801.1100612.jpg)
2017-ci ildə Benyamin İnqrosso İsveçin ən böyük musiqi festivalı olan Melodifestivalenə qatılmışdır. "Good Lovin'" adlı mahnı ilə festivalda iştirak edən müğənni birbaşa final mərhələsinə keçməyə nail olmuş və final mərhələsində 5-ci yerdə qərarlaşmışdır.[3] Həmin yarışmanın qalibi isə "I Can't Go On" mahnısı ilə Robin Benqtsson olmuşdur.
2018-ci ildə İnqrosso "Dance You Off" mahnısı ilə Melodifestivalenə geri dönmüşdür. Bu mahnı ilə yarımfinal mərhələsini uğurla adlayaraq, finala vəsiqə qazanmışdır. Finalda ifaçı bütün rəqiblərini geridə qoyaraq müsabiqədə qələbə qazanmağa nail olmuşdur. Beləliklə İnqrosso "Dance You Off" mahnısı ilə İsveçi Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ qazanmışdır.[4]
Uzun sürən çalışmalardan sonra İnqrosso 10 may tarixində baş tutan müsabiqənin ikinci yarımfinal mərhələsində 15-ci səhnə almışdır. Nəticədə ifaçı 254 xalla 2-ci yeri tutmuş və ölkəsini Avroviziya finalına yüksəltməyə nail olmuşdur. 26 ölkə təmsilçisinin mübarizə apardığı final mərhələsində mahnısını bir daha ifa edən İnqrosso ümumi nəticədə 274 xal toplayaraq, 7-ci yerdə qərarlaşmışdır.
2018-ci ilin sentyabr ayında İnqrossonun Identification adlı debüt albomu işıq üzü görmüşdür.
Diskoqrafiya
[redaktə | mənbəni redaktə et]Albomlar
[redaktə | mənbəni redaktə et]Albom adı | İl |
---|---|
Identification | 2019 |
Sinqllar
[redaktə | mənbəni redaktə et]Mahnı adı | İl |
---|---|
"Hej Sofia" | 2006 |
"Jag är en astronaut" | 2007 |
"Fall in Love" | 2015 |
"Crystal Clear" | |
"Home for Christmas" | |
"Love You Again" | 2016 |
"Good Lovin'" | 2017 |
"Do You Think About Me" | |
"One More Time" | |
"Dance You Off" | 2018 |
"Tror du att han bryr sig" (Feliks Sandman ilə duet) |
2019 |
"I Wouldn't Know" | |
"Behave" |
İstinadlar
[redaktə | mənbəni redaktə et]- ↑ "New music – Benjamin Ingrosso & Felix Sandman – TEN Music Group". www.ten.se. 2018-03-08 tarixində arxivləşdirilib. İstifadə tarixi: 7 mart 2018.
- ↑ "Storbråk direkt i Wahlgrens värld: "Schizofren"". Aftonbladet. 2022-04-13 tarixində arxivləşdirilib. İstifadə tarixi: 7 mart 2018.
- ↑ "Eurovision Sweden: Mariette and Benjamin Ingrosso to the final of Melodifestivalen 2017! - ESCToday.com". esctoday.com. 11 fevral 2017. 2018-03-08 tarixində arxivləşdirilib. İstifadə tarixi: 7 mart 2018.
- ↑ "Sweden:Benjamin Ingrosso wins Melodifestivalen 2018 with "Dance You Off"- wiwibloggs". wiwibloggs. 10 mart 2018. 2020-10-01 tarixində arxivləşdirilib. İstifadə tarixi: 2018-03-11.
Əvvəlki: Robin Benqtsson "I Can't Go On" |
İsveç Avroviziya Mahnı Müsabiqəsində ![]() 2018 |
Sonrakı: Con Lundvik "Too Late for Love" |