Pólna škrodawa
Pólna škrodawa | |
---|---|
![]() | |
Pólna škrodawa w lěsu blisko jsy Thomsdorf/Bramborska, Nimska | |
systematika | |
Domena | Eukaryoty |
bźez ranga | Opisthokonta |
Swět | Zwěrina |
klasa: | Amfibija (Amphibia) |
nadswójźba: | Hyloidea |
swójźba: | (Bufonidae) |
rod: | Škrodawa (Bufo) |
družyna | Pólna škrodawa |
wědomnostne mě | |
Bufo bufo | |
L. (1758) | |
Pólna škrodawa (Bufo bufo) jo družyna z roda škrodawow (Bufo) znutśika swójźby (Bufonidae).
Wopis
[wobźěłaś | žrědłowy tekst wobźěłaś]![](http://178.128.105.246/cars-http-upload.wikimedia.org/wikipedia/commons/thumb/0/04/Bufo_metamorphosis.jpg/100px-Bufo_metamorphosis.jpg)
Pólna škrodawa jo za cas nocy aktiwne zwěrje, kótarež jo žywa na włožnych městnach a samo we wusokosćach wót 2000 m wustupujo.
Samicy dośěgnu dłujkosć wót 13 cm, mjaztym až samjaki su mjeńše.
Jich śěło jo wjelgin zasajźite, pśi comž jich górny bok jo wjelgin brodawkojty. Iris jo złoto- až kuporcerwjeny. Pupila jo wódorowna. Zukowy puchoŕ njama.
Wóni se wót małych zwěrjetow žywje a su dla zežarjenja wjele škódnikow wužytne.
Za cas pórowanja wót měrca až apryla du do wódy, pśi comž se móžo masowy zběg wótměś. Pótom samjaki maju rogowe mózole na nutśikownych bokach palcow, z kótarychž pomocu mógu samicy pśi ramjenjoma wobpśimowaś.
Nerk se w 5 m dłujkich šnorkach z 7000 jajkami wokoło slědnjeju nogow wijo. Larwy su małke a carne.
Pólna škrodowa móžo starstwo wót až do 36 lět dośěgnuś.
Žywjeński rum
[wobźěłaś | žrědłowy tekst wobźěłaś]Wóna wustupujo w rozdźělnych žywjeńskich rumach, kaž na pś. na pólach, łukach, samo w piwnicach.
Žrědła
[wobźěłaś | žrědłowy tekst wobźěłaś]- Jugendlexikon Biologie, 1988, ISBN 3-323-00043-9, boka 89-90 (nim.)
- Naturführer Pflanzen und Tiere, 1. nakład, 1989, ISBN 3-332-00256-2, strona 197 (nim.)