Pólna krokawa
![]() | |
Pólna krokawa w lěsu blisko wsy Thomsdorf/Braniborska, Němska | |
systematika | |
---|---|
domena | Eukaryoty |
swět | Zwěrina |
rjadownja: | Amfibija (Amphibia) |
rjad: | Žaboamfibija (Anura) |
nadswójba: | Hyloidea |
swójba: | (Bufonidae) |
ród: | Krokawa (Bufo) |
družina | Pólna krokawa |
wědomostne mjeno | |
Bufo bufo | |
L. (1758) | |
Pólna krokawa (Bufo bufo) je družina z roda krokawow (Bufo) znutřka swójby (Bufonidae).
Wopis
[wobdźěłać | žórłowy tekst wobdźěłać]![](http://178.128.105.246/cars-http-upload.wikimedia.org/wikipedia/commons/thumb/0/04/Bufo_metamorphosis.jpg/100px-Bufo_metamorphosis.jpg)
Pólna krokawa je za čas nocy aktiwne zwěrjo, kotrež je žiwa na włóžnych městnach a samo we wysokosćach wot 2000 m wustupuje.
Sančki docpěwaja dołhosć wot 13 cm, mjeztym zo sancy su mjeńše.
Jich ćěło je jara zasadźite, při čimž jich horni bok je jara brodawkojty. Iris je złoto- hač koporčerwjena. Pupila je wodoruna. Zwukowy pucher nima.
Wone so wot małych zwěrjatow žiwja a su dla zežerjenja wjele škódnikow wužitne.
Za čas porowanja wot měrca hač apryla du do wody, při čimž so móže masowy zběh wotměć. Potom sancy maja rohowe mozle na znutřkownych bokach porstow, z kotrychž pomocu móžeja sančki při ramjenjomaj wobpřimować.
Žabjace poslesćo so w 5 m dołhich šnórkach z 7000 jejkami wokoło zadnjeju nohow wije. Larwy su małke a čorne.
Pólna krokowa móže starobu wot hač do 36 lět docpěwać.
Žiwjenski rum
[wobdźěłać | žórłowy tekst wobdźěłać]Wona wustupuje w rozdźělnych žiwjenskich rumach, kaž na př. na polach, łukach, samo w pincach.
Žórła
[wobdźěłać | žórłowy tekst wobdźěłać]- Jugendlexikon Biologie, 1988, ISBN 3-323-00043-9, stronje 89-90 (němsce)
- Naturführer Pflanzen und Tiere, 1. nakład, 1989, ISBN 3-332-00256-2, strona 197 (němsce)