պատասխան
Հայերեն
- ՄՀԱ՝ [pɑtɑsˈχɑn]
Դասական ուղղագրութեամբ՝ պատասխան
վանկեր՝ պա•տաս•խան
Ստուգաբանություն
[խմբագրել]Փոխառություն իրանական աղբյուրից՝ *pat(i)saxvan. հմմտ. պարթևերեն passox (pswx), միջին պարսկերեն passavx, պարսկերեն pāsux:
Գոյական
- հարցման կամ դիմումի առթիվ ասված (ասվող) խոսք, որ պարունակում է որևէ բանի հաստատումը, ժխտումը կամ բացատրությունը, հաղորդումը և այլն ◆ դրական, բացասական պատասխան, ◆ բավարար պատասխան
- ուսուցչի, դասախոսի և այլնի տված հարցերի (խնդիրների և այլն) լուծումը, մեկնաբանությունը պարունակող բանավոր կամ գրավոր խոսք
- որևէ գործողության, արարքի և այլնի պատասխանական արձագանք, որևէ արարքի, գործողության նկատմամբ արտահայտված վերաբերմունք ◆ Ի՞նչ գտա ձեր սրտում դժխեմ, ի՞նչ պատասխան: (Ա. Պուշկին)
- որևէ բանի իբրև հակազդեցություն, դիմադրություն, հակահարված հանդիսացող գործողություն, միջոցառում և այլն ◆ Ֆաշիստական զորամասի այդ գազանական գործողությունների պատասխանը եղավ պարտիզանական ջոկատի հուժկու հարձակումը և զորամասի ոչնչացումը:
- որևէ հարցի, խնդրի, քննելի նյութի լուծումը ներկայացնող որոշում, վճիռ, հետազոտություն և այլն ◆ Դեռ շատ հարցեր կան որ պատասխանի են սպասում:
- մաթեմատիկական խնդրի, օրինակի, վարժության (ինչպես և զանազան խաչբառերի, հանելուկների և այլնի) լուծման արդյունք ◆ Խնդիրների պատասխանները տրված են դասագրքի վերջում:
- կանչի, դուռը բախելու առթիվ հանված ձայն, ասված խոսք և այլն ◆ Ո՞վ ես, էհե՜յ… ի՞նչ ես անում, ի՞նչ ես լռել, ձեն չես հանում… պատասխան չկա: Հովհաննես Թումանյան
- նամակի, հեռագրի և այլնի դիմաց գրած, ուղարկած նամակ, հեռագիր ◆ Նկատում էի, որ նամակներ է ստանում, պատասխան է գրում: (Րաֆֆի)
- իր դեմ ուղղված քննադատության, մեղադրանքի և այլնի հերքումը իր հայացքների, դրույթների, արարդների արդարացումը պ��րունակող բանավոր կամ գրավոր խոսք (ելույթ, հայտարարություն, հոդված և այլն)
- պատասխանատվություն
Հոմանիշներ
[խմբագրել]- տե՛ս պատասխանագիր
- արձագանք (փխբ․), վերաբերմունք (որևէ գործողության, արարքի և այլնի նկատմամբ)
- գործողություն (փխբ․), միջոցառում (որևէ բանի հակազդեցություն, հակահարված հանդիսացող)
- որոշում (փխբ․), վճիռ (որևէ խնդրի լուծումը ներկայացնող)
- արդյունք, լուծում (մաթեմատիկական և այլն խնդրի)
- տե՛ս պատասխանատվություն
- տե՛ս ֆո
Արտահայտություններ
[խմբագրել]- պատասխան տալ - տե՛ս պատասխանել
Ի արտաքին հոլովում | ||
Եզակի թիվ | Հոգնակի թիվ | |
Ուղղ. | պատասխան(ը) | պատասխաններ(ը) |
Սեռ. | պատասխանի | պատասխանների |
Տր. | պատասխանի(ն) | պատասխանների(ն) |
Հայց. | պատասխան(ը) | պատասխաններ(ը) |
Բաց. | պատասխանից | պատասխաններից |
Գործ. | պատասխանով | պատասխաններով |
Ներգ. | պատասխանում | պատասխաններում |
Բաղադրյալ բառեր | |
Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։