Copacabana
Copacabana esas quartero en l'urbo di Rio de Janeiro, Brazilia, famoza por lua plajo, qua havas 4 km di extenso. La quartero havas 7.84 km² di surfaco e segun Braziliana instituto por geografio e statistiko - IBGE ol havis plu kam 150 mil habitanti en 2003.
![](http://178.128.105.246/cars-http-upload.wikimedia.org/wikipedia/commons/thumb/c/cb/Avenida_Nossa_Senhora_de_Copacabana_%281%29.jpg/220px-Avenida_Nossa_Senhora_de_Copacabana_%281%29.jpg)
La quartero nomizis Sacopenapã til la mezo di 18ma yarcento, kande un kapelo konstruktesis en homajo a Nia Siorino di Copacabana, santino patronino di Bolivia. Ol esis agregita a l'urbo ye 6 di julio 1892 kande un tunelo, nune konocata kom Túnel Velho (olda tunelo) unionis su kun la quartero di Botafogo.
Nune dum inter-semani, lua plajo recevas granda nombro di rezidanti e turisti. Omna yari ye 31 di decembro la plajo recevas preske 1 miliono di personi por admirar la spektaklo di koloroza petardeti en homajo a Nov-yaro.
Avenui Atlântica e Nossa Senhora de Copacabana esas lua precipua stradi. Tre stacioni di urbala fervoyo (Cardeal Arcoverde, Siqueira Campos e Cantagalo) servas la quartero. La quartero havas granda nombro di drinkeyi, restoreyi, hoteli, banki, sinagogi (granda nombro di judi vivas en la quartero), butiki e teatri. Granda nombro di olda ed emerita personi vivas en la quartero e 27,5% di lua populo evas pluse 60[1].
Kelka famoza personi qui vivis en Copacabana
[redaktar | redaktar fonto]- Eurico Gaspar Dutra, João Café Filho, Juscelino Kubitschek, Nereu Ramos, Carlos Luz, João Goulart ed Emílio Garrastazu Médici - prezidanti di Brazilia
- Leonel Brizola, Carlos Lacerda e Magalhães Pinto - guverniestri di Braziliana stati
- Paulo Coelho, Jorge Amado, Augusto Frederico Schmidt, Ferreira Gullar - autori
- Elis Regina, Ângela Rô Rô, Elza Soares - kantistini, edc.
Referi
[redaktar | redaktar fonto]- ↑ Projeto de lei nº 1214/2007 Câmara Municipal do Rio de Janeiro