Sukrokano
![](http://178.128.105.246/cars-http-upload.wikimedia.org/wikipedia/commons/thumb/7/74/Saccharum_officinarum_-_K%C3%B6hler%E2%80%93s_Medizinal-Pflanzen-125.jpg/250px-Saccharum_officinarum_-_K%C3%B6hler%E2%80%93s_Medizinal-Pflanzen-125.jpg)
![](http://178.128.105.246/cars-http-upload.wikimedia.org/wikipedia/commons/thumb/2/29/Cut_sugarcane.jpg/320px-Cut_sugarcane.jpg)
Sukrokano esas grupo di gramini de genero Saccharum, nativa de la sudo di Azia e Melanezia, qui uzesas precipue por produktar sukro ed etanolo. Lia stipti esas robusta, fibroza e richa en sakarozo. La planti esas alta de 2 m til 6 m. La precipua varietati kultivita esas hibrida. Persiani e pose Greki deskovris "junki qui produktis mielo sen abeli" dum la 6ma e la 4ma yarcenti aK. Li adoptis e pose dissemis lua kultivo en la tota mondo. Dum la 16ma yarcento, plantacerii di sukrokano dissemesis en Sud-Amerika, pose en Karibia e tra Indial oceano.
Sakarozo extraktita de sukrokano uzesas kom prima materiaro en industrii di nutrivi, e por produktar etanolo. En 2012, l'Organizuro pri Nutrivo ed Agrokultivo dil Unionita Nacioni kalkulis ke entote 26 milion hektari di tereni de 90 landi uzesas por kultivar sukrokano, e la mondala produktado atingas 1,83 miliard tuni. Brazilia esas la maxim granda produktero de la mondo, pose India, Popul-Republiko Chinia, Tailando, Pakistan e Mexikia.