Nova Suecia
![](http://178.128.105.246/cars-http-upload.wikimedia.org/wikipedia/commons/thumb/d/d2/Nieuw_Nederland_and_Nya_Sverige.svg/220px-Nieuw_Nederland_and_Nya_Sverige.svg.png)
Nova Suecia (Suecice Nya Sverige, Finnice Uusi-Ruotsi) fuit colonia Suecica secundum inferiores Fluminis Delavariae tractus in Delavaria, Nova Caesarea, et Pennsylvania in America Septentrionali ab 1638 ad 1655 sita, in hodiernis civitatibus Atlanticae Mediae. Arx Christina, nunc inter fines Vilmingtoniae Delavariae inventa, prima colonia fuit. Cum Suecis et Finnis, advenae fuerunt Nederlandenses; praeterea, inter milites munus militiae Suecicae sustinentis fuerunt Germani. Nova Suecia ab exercitu Reipublicae Nederlandicae anno 1655 per Bellum Septentrionale Alterum victa, atque ad Novam Nederlandiam adiuncta est.
![](http://178.128.105.246/cars-http-upload.wikimedia.org/wikipedia/commons/thumb/5/5a/Prinsenvlag.svg/75px-Prinsenvlag.svg.png)
Regnum Suecicum, ante medium saeculum septimum decimum suum maximum terrarum spatium adsectum, una ex magnis potestatibus Europaeis fuit. Civitas Suecica Finniam et Estoniam tum amplexa est, cum partibus hodiernarum Russiae, Poloniae, Germaniae, Latviae. Sueci eorum momentum expandere conati sunt creandá in Novo Mundo coloniá quae agriculturá (tabaco) et commercio pellis innixa esset, ut mercatores Francicos et Anglicos subterfugirent. Societas Novae Sueciae diploma accepit, partium possessores Suecicos, Nederlandicos, Germanicos comprehendens.[1]
Prima expeditio Suecica ad Americam Septentrionalem, a Nicolao Fleming admirali Suecico ex Finnia oriundo ordinata et ducta, ex portu Gothoburgo anno 1637 exeunte digressa est. Samuel Blommaert Nederlandicus, praeparationes adiuvans, Petrum Minuit expeditioni ducem praeposuerat. Participes expeditionis in navibus Fogel Grip et Kalmar Nyckel in Sinum Delevariam navigaverunt, in regione autem quae intra territorium a Nederlandia postulatum patuit, capita May et Henlopen Martio 1638 exeunte transientes,[2] et sese ad ancoras 29 Martii 1638 deligantes, in promontorium saxosum in Minquas Kill quod hodie Egressus Suecorum appellatur navibus egressi sunt. Arcem ad hodiernum Vilmingtoniae situm aedificaverunt, quam Arcem Christinam ex Regina Christina appellaverunt.[3]
Annis sequentibus, sescenti fere Sueci et Finni, illi plerumque Finni Silvestres ex Suecia media orti, cum aliquot Nederlandis et Germanis in militia Suecica merentibus, regionem habitare coeperunt. Petrus Minuit primus gubernator coloniae Novae Sueciae nuper constitutae factus est.
Nexus interni
- Ioannes Campanius
- Egressus Suecicus
- Finnoamericanus
- Margareta Matson
- Possessiones Sueciae
- Suecoamericanus
Adnotationes
[recensere | fontem recensere]- ↑ A Brief History of New Sweden in America (The Swedish Colonial Society).
- ↑ McCormick, p. 12; Munroe, Colonial Delaware, p. 16.
- ↑ Kathryn Ford Thorne, compilator, et John H. Long, editor, New York Atlas of Historical County Boundaries (The Newbury Library, 1993), 5.
Bibliographia
[recensere | fontem recensere]- Barton, H. Arnold. 1994. A Folk Divided: Homeland Swedes and Swedish Americans, 1840–1940. Uppsala: Acta Universitatis Upsaliensis.
- Benson, Adolph B., et Naboth Hedin, eds. 1938. Swedes in America, 1638–1938 Portu Novo: The Swedish American Tercentenary Association: Yale University Press. ISBN 9780838303269.
- Jameson, J. Franklin. 1887. Willem Usselinx: Founder of the Dutch and Swedish West India Companies. G. P. Putnam's Sons.
- Jennings, Francis. 1984. The Ambiguous Iroquois. Novi Eboraci: Norton. ISBN 0393017192.
- Johnson, Amandus. 1927. The Swedes on the Delaware. Philadelphiae: International Printing Company.
- Johnson, Amandus. 1970. The Swedish Settlements on the Delaware: Their History and Relations to the Indians, Dutch, and English, 1638-1664. Novi Eboraci: B. Franklin.
- Mickley, Joseph J. 1881. Some Account of William Usselinx and Peter Minuit: Two Individuals Who Were Instrumental in Establishing the First Permanent Colony in Delaware. The Historical Society of Delaware.
- Munroe, John A. 1977. Colonial Delaware. Vilmingtoniae: Delaware Heritage Press.
- Myers, Albert Cook, ed. 1912. Narratives of Early Pennsylvania, West New Jersey, and Delaware, 1630–1707. Novi Eboraci: Charles Scribner's Sons.
- Shorto, Russell. 2004. The Island at the Center of the World. Novi Eboraci: Doubleday. ISBN 0385503490.
- Weslager, C. A. 1990. A Man and His Ship: Peter Minuet and the Kalmar Nyckel. Vilmingtoniae: Kalmar Nyckel Foundation. ISBN 0962556319.
- Weslager, C. A. 1988. New Sweden on the Delaware 1638–1655. Vilmingtoniae: The Middle Atlantic Press. ISBN 091260865X.
- Weslager, C. A. 1987. The Swedes and Dutch at New Castle. Vilmingtoniae: The Middle Atlantic Press. ISBN 0912608501.
- Mattsson, Algot. 1987. Nya Sverige: Drömmen om ett imperium. Göteborg: Tre Böker. ISBN 9185414697.
- Ward, Christopher. 1930. Dutch and Swedes on the Delaware, 1609–1664. University of Pennsylvania Press,
- Yela, Gary E., ed. 1988. New Sweden: The 350th Anniversary of the Settlement of the Swedes and Finns in Delaware: An Exhibition Catalogue. Praefatio a Ioanne A. Munroe scripta. Novarci Delevariae: University of Delaware Library.
Nexus externi
[recensere | fontem recensere]![]() |
Vicimedia Communia plura habent quae ad Novam Sueciam spectant. |
- Centrum Novae Sueciae, www.colonialnewsweden.org
- Dies Anniversarius 350 Suecorum et Finnorum in Delavaria Egressorum, www.lib.udel.edu
- Finni in Historia Colonica Americae, www.komitea.com
- Historia Brevis Novae Sueciae in America, www.colonialswedes.org (Societas Colonica Suecica)
- Museum Historicum Suecoamericanum, www.americanswedish.org
- Nova Suecia, wiki.familysearch.org
- Tabula Novae Sueciae Johnsoniana, www.rootsweb.ancestry.com