Jeannot Bewing
Jeannot Bewing | |
---|---|
Gebuer | 28. Mäerz 1931 |
Gestuerwen | 4. Juni 2005 |
Nationalitéit | Lëtzebuerg |
Aktivitéit | Sculpteur |
![]() |
De Jeannot Bewing, gebuer den 28. Mäerz 1931 zu Esch-Uelzecht, a gestuerwen de 4. Juni 2005, war e lëtzebuergesche Sculpteur.
Säi Liewen
[änneren | Quelltext änneren]Als Jong vum Schmelzaarbechter Léon Bewing an der Anne Grünewald gouf de Jeannot Bewing den 28. Mäerz 1931 zu Esch-Uelzecht gebuer.
Hie war selwer och e Schmelzaarbechter. 1968 krut hien éischt Kontakter mat der Konscht an huet zu Konsdref mat anere jonke Kënschtler an eneger Scheier ausgestallt. An deem Joer huet hien och zu Paräis um Salon de la jeune sculpture ausgestallt.[1] 1975 war hien an der Cité internationale des arts zu Paräis. 1986 huet hien um Internationalen Bildhauer-Symposium zu Merzig (D) deelgeholl.
Hie war Member vum Cercle Artistique de Luxembourg an huet um Enn vun den 1980er Joren op deem sengem Salon ausgestallt. Och an der Escher Konschtgalerie (tëscht 1972 an 1998), der Galerie La Cité an der Stad (tëscht 1977 an 1999) an an der Villa Vauban (1984) hat hien Ausstellungen.
Nodeem hie mat 57 an d'Pensioun gaange war, konnt hie sech ganz sengem kënschtleresche Schafen higinn.
Fir säi Wierk gouf e mam Prix de Raville (1991) an dem Prix Grand-Duc Adolphe (1997) ausgezeechent..
An der Nuecht vum 3. op de 4. Juni 2005 ass de Jeannot Bewing onerwaart am Alter vu 74 Joer a sengem Haus zu Esch-Uelzecht gestuerwen.
De Roger Manderscheid huet säi Roman kasch. e genie verschwënnt an der landschaft dem Jeannot Bewing dediéiert.
Famill
[änneren | Quelltext änneren]Hien huet sech 1954 mat der Mim Biltgen bestuet. 1955 koum hiert eenzegt Meedchen d'Eliane op d'Welt. 2004 ass d'Mim gestuerwen..
Säi Wierk
[änneren | Quelltext änneren]De Jeannot Bewing huet haaptsächlech Skulpturen aus eisenen a stolene Schrottdeeler gemaach. Hien huet awer och verschidde Sklupturen am Holz an am Stee realiséiert. Donieft huet hien och gezeechent a gemoolt.
![](http://178.128.105.246/cars-http-upload.wikimedia.org/wikipedia/lb/thumb/1/17/Bewing_Jeannot_Skulptur_Uni_L%C3%ABtzebuerg.jpg/220px-Bewing_Jeannot_Skulptur_Uni_L%C3%ABtzebuerg.jpg)
Monumentalrealisatiounen
[änneren | Quelltext änneren]- 1986 Wunsch-Stein, eng Skulptur aus Sandsteen, Skulpturesymposium "Steine an der Grenze" zu Merzig
- 1989 YBGA, eng Skulptur beim Lycée Technique de Bonnevoie am Quartier Bouneweg-Süd an der Stad Lëtzebuerg
- 1993 Dot, eng Skulptur bei der Université du Luxembourg um Lampertsbierg an der Stad Lëtzebuerg
- 1995 Mim oder Kopf, eng Skulptur beim Bâtiment Jean Monnet um Kierchbierg an der Stad Lëtzebuerg
- 2003 Skulptur am Giratoire zu Keel
- 2005 Skulptur am Park Émile Mayrisch zu Diddeleng
Ëffentlech Kollektiounen
[änneren | Quelltext änneren]- Spuerkeess, Lëtzebuerg
- Banque générale, Esch-Uelzecht
- Nationalbibliothéik, Lëtzebuerg
- Cour de Justice, Lëtzebuerg
- Groussherzoglechen Haff, Lëtzebuerg
- Rout Kräiz, Esch-Uelzecht
- Minerais SA, Lëtzebuerg
- Kulturministère, Lëtzebuerg
- Ausseministère, Lëtzebuerg
- Nationale Geschichts- a Konschtmusée, Lëtzebuerg
- Republik China, Lëtzebuerg
- Stad Esch-Uelzecht
Perséinlech Ausstellungenn
[änneren | Quelltext änneren]- 1970 Galerie Horn, Lëtzebuerg
- 1971 Galerie 66, Hofheim/Taunus
- 1972 Galerie d'Art Municipale, Esch-Uelzecht
- 1977 Galerie La Cité, Lëtzebuerg, Galerie Paul Brück, Lëtzebuerg
- 1979 Galerie Im Zwinger, St. Wendel, Galerie La Cité, Lëtzebuerg
- 1981 Galerie 66, Hofheim/Taunus
- 1982 Galerie Numaga, Auvernier, Galerie La Cité, Lëtzebuerg
- 1983 Maison de la Culture, Namur
- 1984 Galerie La Cité, Lëtzebuerg
- 1985 Galerie Numaga, Auvernier, Galerie N.R.A., Paräis
- 1987 Galerie La Cité, Lëtzebuerg
- 1988 Saarländisches Künstlerhaus, Saarbrécken
- 1989 Galerie La Cité, Lëtzebuerg, Del Bella Galeria, Toronto
- 1991 Galerie d'Art Municipale, Esch-Uelzecht
- 1992 Galerie La Cité, Lëtzebuerg
- 1993 Galerie Athena, Courtrai
- 1994 Bibliothèque du Centre Universitaire, Lëtzebuerg, Galerie Schlassgoart, Esch-Uelzecht
- 1996 Galerie Athena, Courtrai
- 1998 Galerie d'Art Municipale, Esch-Uelzecht
- 1999 Galerie Athena, Courtrai, Galerie La Cité, Lëtzebuerg
Kollektiv Ausstellungen
[änneren | Quelltext änneren]Auvernier, Bachte-Maria-Leern/Deinze, Brest, Bréissel, Köln, Consdorf, Courtrai, Dublin, Esch-Uelzecht, Florenz, Frankfurt, Gütersloh, Hofheim/Taunus, Höhr-Grenzhausen, Japan, Madrid, Metz, Namur, Paräis, Saarbrécken, Sevilla, Sonderborg, St. Wendel, Toronto
Gielercher
[änneren | Quelltext änneren]- 1989: Laureat vum Concours Konscht an der Stad Esch-Uelzecht
- 1991: Prix de Raville
- 1997: Prix Grand-Duc Adolphe
Literatur
[änneren | Quelltext änneren]- Nathalie Becker, 2015. Hommage à Jeannot Bewing. L'avatar de Vulcain. Die Warte 17|2474 vum 4. Juni 2015, S. 11.
- Revue, 11.10.1969 a 25.3.1972
- Jeannot Bewing. Préface Felix Molitor, photos Guy Wolff. Éditions Saint Paul 2005, ISBN 2-8763-563-2.
- Marc Theis, Elisabeth Vermast: Artistes luxembourgeois d'aujourd'hui, Edition Marc Theis, Lëtzebuerg / Hannover, 1995, S. 68 - S. 69
Kuckt och
[änneren | Quelltext änneren]Um Spaweck
[änneren | Quelltext änneren]Commons: Jeannot Bewing – Biller, Videoen oder Audiodateien |
- De Jeannot Bewing op der Websäit vu mediArt
Referenzen
[Quelltext änneren]- ↑ PBS: "Frag' mich nicht, wie ich es mache", d'Letzeburger Land, 1. Juni 1990.