Sjeng Schalken
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Wieërts, es te dit dialek sjpriks.
![](http://178.128.105.246/cars-http-upload.wikimedia.org/wikipedia/commons/thumb/8/89/Sjeng_Schalken.jpg/200px-Sjeng_Schalken.jpg)
Sjeng Schalken (Wieërt, 8 september 1976) is eine veurmalige Nederlandjse proftennisser.
Carrière
[bewirk | brón bewèrke]Schalken is eine rechshenjigge sjpeler dae in 1994 toetrooj tot 't profcircuit. Sjportief gezeen waas 2003 zien succesvolste jaor. Hae wón in dat jaor tweë ATP-Toernoje, Rosmalen en Costa do Sauípe, en hae bereikde op 21 april 2003 mèt ein èlfde elfde plaatsj op de ATP-waereldranglies zien hoagste peziesie in zien tenniscarrière.
Zien bèste prestaties in de veer belangriekste tournoje (de grandslam tournoje) zint:
- AustralianOpen = Achtste finale (2004)
- Roland Garros = 3e ronde (2002, 2003)
- Wimbledon = Kwartfinale (2002, 2003, 2004)
- USOpen = Halve finale (2002)
Van 1996 tot 2006 maakde hae deil oet van 't Nederlands Davis Cup-team.
Wimbledon
[bewirk | brón bewèrke]Op 't heilig graas van Wimbledon wis Schalken mer leefs drie keër op riej de kwartfinales te haole, namelik in 2002, 2003 en 2004.
In 2002 kaom Schalken 't kortste biej de hauve finales, mèr de doemalige nummer ein van de waereld en latere winaaer van ’t toernooj, Lleyton Hewitt, wis de Nederlander in eine thriller te op ’t nipperke te versjlaon: 6-2 6-2 6-7 1-6 7-5.
In 2003 versjloog Schalken de top-10 sjpeler Rainer Schüttler nog in de veerde runj, mer in de kwartfinales sjtude hae op Roger Federer, dae in dat jaor zien eësjte Wimbledon-titel zouw bènnesjleipe. Schalken góng mèt 6-3 6-4 6-4 óngeroet taenge de Zjwitser.
In 't lètste optraeje van Schalken op Wimbledon - in 2004 - waas 't Andy Roddick, de nummer tweë van de waereld, dae te sjterk waas in de kwartfinales (7-6 7-6 6-3).
Aafsjied
[bewirk | brón bewèrke]Op mieërt 2007 maakde Schalken bekènd te sjtoppe mèt proftennis vanwaege lichamelikke óngemakke es de ziekte van Pfeiffer, eine hernia en ein achillespeesblessure die eine trukkeër op 't hoagste niveau ónmeugelik maakde.[1] Hae wón gedoerende zien tenneiscarrière neuge ATP-titels in 't ènkelsjpel en zös in 't döbbelsjpel. Zien totaal verdeenste bedroog ruum 5 miljoen dollar. Sjeng Schalken is de enige speler die zijn eerste vijf ATP finales heeft gewonnen.
Privé laeve
[bewirk | brón bewèrke]Gedoerende zien tenniscarrière woonde hae in Monaco, allewiel woont hae in Kessenich in Belsj. Hae trouwde op 21 november 2003 mèt Ricky Pfennings en haet twee döchterkes.
Trivia
[bewirk | brón bewèrke]- Op 16 jannewarie 1999 wón Schalken de titel in Auckland, precies drie jaor eërder sjtórf zien broor Tuur aan kanker.[2]
Referenties
[bewirk | brón bewèrke]- ↑ Schalken zet punt achter tenniscarrière - De Telegraaf, 29 maart 2007
- ↑ Career Highlights, atpworldtour.com