Federico Franco
![](http://178.128.105.246/cars-http-upload.wikimedia.org/wikipedia/commons/thumb/f/f2/Federico_Franco.jpg/220px-Federico_Franco.jpg)
Luis Federico Franco Gómez (* 23. Juli 1962 in Asunción, Paraguay) is en paraguayisch Politiker, Dokter un weer van'n 22. Juni 2012 bit 15. August 2013 Staatspräsident vun Paraguay.
Utbillen un Berop
[ännern | Bornkood ännern]Franco hett sien Schoolutbillen in sien Gebortsstadt Asunción kreegen, wo he in de Sekundarstuuf eerst dat Colegio Nacional besöcht un later sien Bachillerato an dat Colegio Apostólico San José maakt hett. Anslutend hett he an de Medizinisch Fakultät (Facultad de Ciencias Médicas) vun de Universidad Nacional de Asunción (UNA) studeert un wurr nah en spoodriek Studium Dokter. 1986 kreeg he den Titel as Chirurg (Médico Cirujano). Dornah hett he dorup upbauend noch den postgradueerten Afsluss as Internist maakt. In dat familieneegen Krankenhuus, dat Sanatorio Franco in de Stadt Fernando de la Mora, dat hüm un sien Bröers hörrn deiht, weer he as Mediziner tätig. Later kreeg he Führenspositschonen in dat Hospital de Clinicas un dat Hospital Nacional. Siet den 24. Juni 1991 is he Liddmaat vun de Sociedad Paraguaya de Medicina Interna. Dor weer he ok Liddmaat vun dat Exekutiv-Komitee.
Politisch Loopbahn
[ännern | Bornkood ännern]Franco hörrt de Partido Liberal Radical Auténtico (PLRA) an, deren Vörsitter he is, un he weer tonächst van 1991 bit 1996 as Stadtraat tätig. Dornah harr he van 1996 bit 2001 dat Amt vun den Intendente vun de Stadt Fernando de la Mora inne. 2003 bit 2007 weer he Gouverneur vun dat Departamento Central, is aber vun dissen Posten trüggtreden, um sien gemeensam Kandidatur mit Fernando Lugo vörtobereiten. Nah de spoodriek Wahl weer he siet 2008 Viezpräsident vun Paraguay un Senatspräsident. Kört nah de Wahl hett he sück wegen ideologisch Differenzen vun Lugo distanzeert.
Nah en Amtsenthebungsverfohren gegen Lugo wurr Federico Franco an' 22. Juni 2012 as nee Staatspräsident vun Paraguays ünner Eid nommen. He sall dat Amt bit to den plaanmäßig Wahlen in' April 2013 führen.[1]
Privates
[ännern | Bornkood ännern]Franco is vun kathoolsch Glooven un is mit de PLRA-Afordnete Emilia Patricia Alfaro de Franco verheiraadt. Dat Paar hett veer Kinner Luis Federico, Claudia Vanesa, Iván Alejandro un Enzo Sebastián.
Weblenken
[ännern | Bornkood ännern]- Perfil del nuevo presidente de Paraguay - Operación Presidencia (spaansch) up www.montevideo.com.uy van' 22. Juni 2012, afropen an' 26. Juni 2012
- Currículum Vitae (spaansch) auf www.vicepresidencia.gov.py, afropen an' 26. Juni 2012
Enkeld Nahwiesen
[ännern | Bornkood ännern]- ↑ Neue Zürcher Zeitung: Präsident Lugo vom Parlament abgesetzt, 23. Juni 2012.