Mess (Bueree)
![](http://178.128.105.246/cars-http-upload.wikimedia.org/wikipedia/commons/thumb/c/c2/Hestem%C3%B8j.jpg/220px-Hestem%C3%B8j.jpg)
Mess is en Mengels ut den Schiet vun de Deerter in'n Stall un dat Strei, tomehrst Stroh, aver ok Sagels oder Hemp. De Mess mutt regelmatig mit de Messfork oder annere Warktüüch afmesst warrn un kummt denn tomehrst op den Messhümpel. Later warrt he mit en Messstreier op dat Feld verdeelt. De Mess hett en hogen Nitratgehalt un is dorüm en goden Dünger. Fröher müssen de Lüüd den Mess noch mit de Fork op dat Feld verdelen. Dat Holen vun Deerter in Deepstallen warrt hüüt kuum noch maakt, vundaag warrt de mehrsten grötteren Deerter as Rinner oder Swien in de landweertschopliche Produkschoon op Spaltenboddens holen, so dat blot noch Addel anfallen doot. Peer warrt tomehrst noch in instreite Boxen holen.
Wenn de Mess nich regelmatig afmesst warrt, kann dat Problemen mit de Stallhygien geven. Mess is en good Nehrbodden för vele Bakterien, Poggenstöhl un ok en Nestplatz för Flegenlarven.